March 8, 2025
මධ්යම අධිවේගී මාර්ගයේ දැනට නතර වී ඇති පළමු අදියර සඳහා අරමුදල් සැපයීම පිළිබඳ සාකච්ඡා කිරීමට චීන අපනයන ආනයන බැංකු නිලධාරීන් ඉදිරි දින තුන ඇතුළත පැමිණීමට නියමිත බව වරාය හා ප්රවාහන අමාත්ය බිමල් රත්නායක පැවසීය.
දේශීය අරමුදල් සහ දේශීය කොන්ත්රාත්කරුවන් සමඟ මධ්යම අධිවේගී මාර්ගයේ මීරිගම සිට කොටසක් ඉදි කිරීමට දැනට පියවර ගෙන තිබේ.
“සමාගම පිටව ගිය බව ඔබ දන්නවා. ජනාධිපතිවරයා සිය චීන සංචාරයේදී සහ පසුව අපි ද ගනු ලැබූ උත්සාහයන් අනුව හෙට අනිද්දා චීනයේ එක්සිම් බැංකුව පැමිණෙනවා,” අමාත්ය රත්නායක ඊයේ පැවසීය.
“ඒ අනුව පළමු අදියර ආරම්භ කිරීමට අපි බලාපොරොත්තු වෙනවා.” යැයි ඔහු සඳහන් කළේය.
මෙරට ණය ප්රතිව්යුහගත කළ පළමු ණයහිමියා චීන එක්සිම් බැංකුවයි.
අධිවේගී මාර්ගය සඳහා රුපියල් බිලියන 122ක් වැය වන බව මුදල් නියෝජ්ය අමාත්ය අනිල් ජයන්ත සඳහන් කළේය.
මෙම ව්යාපෘතිය 2015 දී පමණ චීන කොන්ත්රාත්කරුවකුට ප්රදානය කෙරිණි.
එහෙත් විපක්ෂ මන්ත්රී නලින් ජයමහ පැවසුවේ චීන එක්සිම් බැංකුව අරමුදල් ලබා නොදුන් අතර, එහි ප්රතිඵලයක් ලෙස කොන්ත්රාත්කරු ඉවත් වූ බවයි.
