හිටපු ක්‍රිකට් ක්‍රීඩක සනත් ජයසූරිය ශ්‍රී ලංකා ක්‍රිකට් ආයතනයේ ක්‍රිකට් උපදේශකවරයකු ලෙස පත්කර තිබේ.

එම පත්වීම වහාම ක්‍රියාත්මක වන පරිදි සිදුකිරීමත් සමඟ ඔහු ශ්‍රී ලංකා ක්‍රිකට් ආයතනයේ ඉහළ පරිපාලනය සමඟ සෘජුව කටයුතු කරනු ඇත.

ශ්‍රී ලංකා ක්‍රිකට් ආයතනයේ පරිපාලනය සහ පුහුණු කාර්ය මණ්ඩලය පසුගිය දිනවල ජාතික කණ්ඩායම සහ වයස අවුරුදු 19න් පහළ කණ්ඩායම පසුගිය තරගාවලිවල ලද පරාජයන් හේතුවෙන් දැඩි පසුබෑමකට ලක්විය.

ආසියානු කුසලානයේ මෙන්ම 2023 ලෝක කුසලානයේ දී ජාතික කණ්ඩායම පරාජයන්ට මුහුණදුන් අතර, එහි ප්‍රතිඵලයක් ලෙස කුසලානයට සුදුසුකම් ලැබීමේ අවස්ථාව අහිමි විය.

වයස අවුරුදු 19න් පහළ ආසියානු කුසලාන තරගාවලියේදී මෙරට 19න් පහළ කණ්ඩායම ද එවැනිම තත්ත්වයකට මුහුණ දී ඇත.