වැලිගම ප්‍රාදේශීය සභාවේ අද පෙර පැවැත්වීමට නියමිතව තිබූ ඡන්ද විමසීම ප්‍රමාද කිරීම සඳහා ජාතික ජන බලවේගයේ සාමාජිකයින් හිතාමතාම කටයුතු කඩාකප්පල් කළ බවට සමගි ජන බලවේගය චෝදනා කරයි.

වාර්තාවලට අනුව, සභාවට යන අතරතුර ජාතික ජන බලවේග සාමාජිකයන් දෙදෙනෙකු පැහැරගෙන ගොස් ඇති බවට චෝදනා එල්ලවීමෙන් පසුව කලබලය ආරම්භ විය.

සමගි ජන බලවේගයේ වැලිගම සංවිධායක රෙහාන් ජයවික්‍රම මහතා පැවසුවේ ජාතික ජන බලවේග සාමාජිකයන් පැහැරගෙන යෑම පිළිබඳව සභාවට දැනුම්දුන් බවයි.

කෙසේවෙතත් අතුරුදහන් වූ සාමාජිකයින් නොමැතිව, කොමසාරිස්වරයා ඡන්දය පැවැත්වීමට තීරණය කර තිබිණි.

කටයුතු අතරතුර, ජාතික ජන බලවේග ආධාරකරුවන් 250 ක් පමණ පිරිසක් ප්‍රාදේශීය සභාවට බලහත්කාරයෙන් ඇතුළු වී දේපළවලට හානිකළ බවත් සැසිවාරයට බාධා කළ බවත් රෙහාන් ජයවික්‍රම පවසයි.

“ඔවුන් දොරවල් කඩා සියල්ලන්ම ඇතුළට ගෙනගොස් ඡන්දය නතර කළා” යැයි රෙහාන් ජයවික්‍රම සඳහන් කළේය.

ජාතික ජන බලවේග ආධාරකරුවන් විරුද්ධ පක්ෂ සාමාජිකයන් සමඟ ගැටුම් ඇති කිරීමට උත්සාහ කළ බවත්, පොලිසිය තත්වය සමනය කිරීමට අපොහොසත් වූ බවත් ඔහු තවදුරටත් චෝදනා කළේය.

ඡන්දයට සෘජුවම අදාළ නොවන බැවින්, අතුරුදන්වීමේ කාරණය පොලිස් මැදිහත්වීමෙන් විසඳාගත යුතු බව කොමසාරිස්වරයා තීරණය කර තිබිණි.