පේදුරුතුඩුව මූලික රෝහලේ හෙද කාර්ය මණ්ඩලය මුහුණ දෙන දීර්ඝකාලීන නවාතැන් හිඟයට විසඳුමක් ලෙස රුපියල් මිලියන 212ක පිරිවැයකින් නව හෙද නිවාස සංකීර්ණයක් ඉදි කිරීමට නියමිතය.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්සගේ ප්‍රධානත්වයෙන් සෙනසුරාදා (19) පස්වරුවේ මෙම ව්‍යාපෘතිය සඳහා මුල්ගල තැබීමට නියමිතව තිබිණි..

සෞඛ්‍ය ක්ෂේත්‍රයේ භෞතික සම්පත් සංවර්ධනය කිරීමේ රජයේ වැඩසටහන යටතේ උතුරු පළාත් සභාව මගින් මෙම ව්‍යාපෘතිය සඳහා ප්‍රතිපාදන වෙන්කරනු ලබයි.

රෝහලේ නේවාසික පහසුකම් හිඟකම හේතුවෙන් අපහසුතාවන්ට ලක්ව සිටින හෙද කාර්ය මණ්ඩලය සඳහා නවාතැන් පහසුකම් නැංවීම මෙම පියවරේ අරමුණයි.

රෝහල් සහ සසුන් සෞඛ්‍ය ආයතනවල කාර්යක්ෂමතාව ඉහළ නැංවීමත්, මහජනතාවට ගුණාත්මක හා කාර්යක්ෂම සෞඛ්‍ය සේවාවක් ලබා දීමත් අරමුණු කරගත් රජයේ වැඩසටහනේ කොටසක් ලෙස මෙම ව්‍යාපෘතිය ක්‍රියාත්මක වන බව රජය පවසයි.