වර්තමානයේදී රට මුහුණ පා තිබෙන ආර්ථික සහ ව්‍යසන තත්ත්වයෙන් ගොඩ ඒම සඳහා සියලු පාර්ශව කැප කිරිම් සිදු කළ යුතු බව එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවි කරුණානායක පවසයි.

ඒ පිළිබඳ අදහස් දක්වමින් මන්ත්‍රීවරයා පැවසුවේ මහජන නියෝජිතයන් සහ ඉහළ පෙළේ රාජ්‍ය ආයතන ඒ වෙනුවෙන් දැඩි කැපකිරීම් කළ යුතු බවයි.

එමෙන්ම මන්ත්‍රීවරුන්ගේ රක්ෂණ සහ වරප්‍රසාද සම්බන්ධයෙන් ද මන්ත්‍රීවරයා එහිදී අදහස් පළ කළේය.

ඔහු යෝජනා කලේ මන්ත්‍රීවරුන්ගේ රක්ෂණ සහ වරප්‍රසාද කප්පාදු කර එම මුදල් ජනතාව වෙනුවෙන් යොමු කළ යුතු බවයි.

රට වර්තමානයේ මුහුණ පා ඇති අභියෝග පිළිබඳ ජනමාධ්‍ය හමුවේ අදහස් දක්වමින් ඔහු මේ බව පැවසුවේය.