May 30, 2026
ශ්රී ලංකා මහ බැංකුව සිය මූල්ය ප්රතිපත්ති ක්රියාත්මක කිරීමේදී ගනු ලබන තීරණ හමුවේ ආර්ථිකය සහ රටේ සමස්ථ පද්ධතියට එල්ල වන බලපෑම් පිළිබඳ එක්සත් ජාතික පක්ෂයේ හිටපු නියෝජ්ය නායක පාර්ලිමේන්තු මන්ත්රී රවී කරුණානායක අදහස් පළ කළේය.
එහිදී මහ බැංකුවේ ක්රියාකලාපයද දැඩි විවේචනයට ලක් කළ මන්ත්රීවරයා පැවසුවේ පවතින තත්ත්වයට විසඳුම් සෙවීම සඳහා ප්රමාණවත් තරම් ඵලදායී සහ ප්රායෝගික පියවර ගැනීමට මහ බැංකුව අපොහොසත් වී ඇති බවයි.
රුපියල ශක්තිමත් කිරීම සඳහා නිවැරදි මූල්ය ප්රතිපත්තියක් නොමැතිකමේ ප්රතිවිපාක විඳීමට සාමාන්ය ජනතාවට සිදුව ඇති බවත් ඔහු පැවසීය.
”අපේ මුදල් ඒකකයේ අගය ආරක්ෂා කර ගැනීමට නිසි ප්රතිපත්ති සකස් නොකිරීමේ අවසාන ප්රතිඵලය වෙන්නේ මහජනතාවට දඬුවම් ලැබීමයි” යනුවෙන් එහිදී මන්ත්රීවරයා පෙන්වා දුන්නේය.
එමෙන්ම ඔහු අවධාරණය කළේ මහ බැංකුව තමන් ගත් ක්රියාමාර්ග පිළිබඳව සෘජු සහ විනිවිදභාවයකින් යුතු පැහැදිලි කිරීමක් රටට හමුවේ සිදු කළ යුතු බවයි.
සිය නිරවද්යතාව පෙන්වා දෙමින් ගෝලීය අර්බුද හමුවේ දේශීය මුදල් ඒකකවල වටිනාකම වෙනස් වන බව සහ කලාපයේ අනෙකුත් රටවල් ද එවැනි තත්වයන්ට මුහුණ පාසිටින බවට මහ බැංකුව සිදු කරන ප්රකාශවලට විරෝධය පළ කළ මන්ත්රීවරයා පැවසුවේ තායිලන්තය සහ ඉන්දුනීසියාව වැනි රටවල මෙවැනි තත්වයක් උද්ගත වී නොමැති බවයි.
