ශ්‍රී ලංකා බර ඉසිලීමේ ක්‍රීඩක රන්සිලු ජයතිලක ඇමරිකා එක්සත් ජනපදයේ පැවති ආර්නෝල්ඩ් ක්‍රීඩා උළෙලේදී රන් පදක්කමක් දිනාගනිමින් ඉතිහාසයට එක්වී ඇති අතර, එය තරඟාවලියේ වසර 37ක ඉතිහාසයේ ශ්‍රී ලංකාවට වැදගත් සන්ධිස්ථානයක් සනිටුහන් කරයි.

කිලෝග්‍රෑම් 120 ප්‍රෝ කාණ්ඩයේ තරඟ කරමින් රන්සිලු ජයතිලක ඩෙඩ්ලිෆ්ට් ඉසව්වෙන් කිලෝග්‍රෑම් 320ක් සාර්ථකව එසවීමෙන් ජයග්‍රහණය තහවුරු කරගත් අතර, වාර්තාගත දස්කම් දක්වමින් මෙම කීර්තිමත් අන්තර්ජාතික ක්‍රීඩා තරඟයේදී රන් පදක්කමක් දිනාගත් පළමු ශ්‍රී ලාංකිකයා බවට පත්විය.

මෙම සති අන්තයේ ඔහියෝ හි කොලොම්බස් හි පැවැත්වෙන ආනෝල්ඩ් ක්‍රීඩා උළෙල, ලොව පුරා සිටින ක්‍රීඩක ක්‍රීඩිකාවන්, රසිකයන් දහස් ගණනක් ලොව Greater Columbus Convention මධ්‍යස්ථානයට එක්කර ඇත.

ආර්නෝල්ඩ් ෂ්වාස්නෙගර් සහ වර්තින්ටන් හි දිගුකාලීන නගරාධිපති හා උප නගරාධිපති දිවංගත ජිම් ලොරිමර් විසින් ආරම්භ කරන ලද මෙම වාර්ෂික උත්සවයේ කායවර්ධන සහ පවර් ලිෆ්ටිං ඉසව්වල සිට බොක්සිං, සටන් කලාව සහ නැටුම් දක්වා තරඟ ඇතුළත් වේ.

ලොව පුරා ක්‍රීඩක ක්‍රීඩිකාවන් 20,000 කට වැඩි පිරිසක් මෙහිදී ඉසව් දුසිම් ගණනක් සඳහා තරඟ වදින අතර, එය දින කිහිපයක් පුරා ලක්ෂ සංඛ්‍යාත ප්‍රේක්ෂකයින් ආකර්ෂණය කරගනී.