ජනප්‍රිය නළු හේමාල් රණසිංහ අත්අඩංගුවට ගත් හේතුව පොලිසිය විසින් අනාවරණය කර තිබේ.

පහතින් දැක්වෙන්නේ පොලිසිය ඒ සම්බන්ධයෙන් නිකුත් කර ඇති නිවේදනයයි.

‘වැල්ලවත්ත හැව්ලොක්සිටි වෙළඳ සංකීරණයේ පිහිටන සිනාමාහල ඉදිරිපිට 2026.01.08 දින පැවති චිත්‍රපට මුහුරත් උළෙලකට සහභාගී වූ රංගන ශිල්පියෙකු අවසානයේ එම උළෙලට සහභාගී වූ වෙළඳ දැන්වීම් නිර්මාන ශිල්පියෙකුට පහරදීමක් සිදුකළ බවට ලද පැමිණිල්ලක් අනුව වැල්ලවත්ත පොලිස් ස්ථානය අදාළ රංගන ශිල්පියා 2026.02.03 වන දින අත්අඩංගුවට ගෙන ඇත.

සැකකරුට අවස්ථා කිහිපයකදී පොලිසිය වෙත ඉදිරිපත්වීමට දැනුම්දුන්නද නොපැමිණ සිට ඇති අතර 2026.02.03 වන දින නීතිඥයකු මාර්ගයෙන් සැකකරු පොලිස් ස්ථානයට ඉදිරිපත් වීමේදී අත්අඩංගුවට ගැනීම සිදුකර තිබේ.

වැල්ලවත්ත පොලිස් ස්ථානය විසින් සිද්ධියට අදාල CCTV දර්ශන ගල්කිස්ස මහේස්ත්‍රාත් අධිකරණය වෙත ඉදිරිපත්කර කරුණු වාර්තා කර ඇත.

සැකකරු වැඩිදුර වාර්තාවක් සමඟ 2026.02.03 වන දින ගරු අධිකරණය වෙත ඉදිරිපත්කිරීමට නියමිතය.