මහින්ද කහඳගම කිසිදිනෙක ශ්‍රී ලංකා පොදුජන පෙරමුණේ සාමාජිකයෙකු වී නොමැති බැවින්, ඔහුට එරෙහිව කිසිදු විනය පියවරක් ගැනීමට නොහැකි බව ශ්‍රී ලංකා පොදුජන පෙරමුණ ප්‍රකාශ කරයි.

කහඳගමට එරෙහිව පක්ෂය විසින් කිසියම් පියවරක් ගැනීමට බලාපොරොත්තු වන්නේදැයි ජනමාධ්‍ය කළ විමසීමකට පිළිතුරු දෙමින් එම පක්ෂයේ නියෝජිතයෙකු සඳහන් කර ඇත්තේ, ඔහුගේ දේශපාලන අනුබද්ධතාවය සම්බන්ධයෙන් යම් පටලැවිල්ලක් ඇති වී තිබෙන බවයි.

පක්ෂ සන්ධානගතව සිටි සමයේදී වාසුදේව නානායක්කාර විසින් කහඳගම නාම යෝජනා සඳහා ඉදිරිපත් කළ බවත්, ඒ අනුව ඔහු පොදු ‘පොහොට්ටුව’ ලකුණ යටතේ මැතිවරණයට තරග කළ බවත් එම පක්ෂය පවසයි.

සන්ධානය තුළ සිටි විවිධ පක්ෂ මගින් නාම යෝජනා ලබා දී, පොදු ලකුණ යටතේ තරග කළ පුද්ගලයන්ට ද මෙම තත්ත්වය එකසේ අදාළ වන බව එම පක්ෂය පෙන්වා දී ඇත.

එමෙන්ම වාසුදේව නානායක්කාර ද නව සමසමාජ පක්ෂයේ සාමාජිකයෙකු මිස ශ්‍රී ලංකා පොදුජන පෙරමුණේ සාමාජිකයෙකු නොවන බවද ශ්‍රී ලංකා පොදුජන පෙරමුණ පවසා තිබේ.