June 9, 2026
බටහිර ආසියානු කලාපය තුළ සීඝ්රයෙන් වෙනස් වන ආරක්ෂක තත්ත්වය පිළිබඳව ඉන්දීය අග්රාමාත්ය නරේන්ද්ර මෝදි සහ කුවේට් රාජ්යයේ එමීර් (පාලක) ෂීක් මෙෂාල් අල්-අහමඩ් අල්-ජාබර් අල් සබා අතර විශේෂ දුරකථන සංවාදයක් පවත්වා තිබේ.
එහිදී කලාපීය සාමය කඩිනමින් ස්ථාපිත කිරීම සඳහා රාජ්ය තාන්ත්රික මැදිහත්වීම් සහ සාකච්ඡා මාර්ගයෙන් ගැටුම් සමනය කරගැනීමේ වැදගත්කම නායක දෙපළ විසින් අවධාරණය කර ඇත.
බටහිර ආසියාවේ වර්ධනය වන නොසන්සුන්කාරී වාතාවරණය පිළිබඳව ඉන්දීය අග්රාමාත්යවරයා මෙහිදී සිය දැඩි කනස්සල්ල පළ කර තිබේ.
එමෙන්ම කුවේට් රාජ්යයේ ස්වෛරීභාවයට සහ භූමියෙහි අඛණ්ඩතාවයට එල්ල වන ප්රහාරයන් ඉන්දියාව දැඩි ලෙස හෙළා දකින බව ද මෝදි යළිත් අවධාරණය කළ බව ඉන්දීය අග්රාමාත්ය කාර්යාලය නිකුත් කළ නිල නිවේදනයක සඳහන් වේ.
නායකයන් දෙපළ බටහිර ආසියාවේ වත්මන් ආරක්ෂක තත්ත්වය පිළිබඳව අදහස් හුවමාරු කරගත් අතර කලාපයේ සාමය සහ ස්ථාවරත්වය කඩිනමින් ඇති කිරීම වෙනුවෙන් සාකච්ඡා මාර්ගයෙන් ගැටුම් ලිහිල් කරගැනීමට පියවර ගන්නා ලෙස අග්රාමාත්යවරයා මෙහිදී නැවතත් ඉල්ලා සිටියේය.
කුවේට් රාජ්යය තුළ වෙසෙන විශාල ඉන්දීය ප්රජාවගේ ආරක්ෂාව සහ සුබසාධනය වෙනුවෙන් කුවේට් එමීර්වරයා දක්වන පෞද්ගලික උනන්දුව සහ කැපවීම පිළිබඳව ද අග්රාමාත්ය මෝදි මහතා මෙහිදී සිය කෘතඥතාව පළ කර ඇත.
