එක්සත් අරාබි එමීර් රාජ්‍යයේ AD Ports Group විසින් පාකිස්ථානයේ කරච්චි වාරයේ කොටසක් ඩොලර් මිලියන 220කට පවරා ගැනීම සඳහා ගිවිසුමකට අත්සන් තබා ඇතැයි එම සමාගම සඳහන් කරයි.

කරච්චි පෝට් ට්‍රස්ට් (KPT) නම් රජය සතු නියෝජිතායතනයෙන් නෞකා නැංගුරම් ලෑම සඳහා AD Ports Group විසින් තවත් එක්සත් අරාබි එමීර් රාජ්‍යයේ සමාගමක් වන Kaheel Terminals සමඟ හවුල් ව්‍යාපාරයක් ආරම්භ කර ඇත.

කරච්චි වරාය නැංගුරම් ස්ථාන 33ක් සහිත පාකිස්ථානයේ පැරණිතම සහ කාර්යබහුලම වරාය වේ.

එක්සත් අරාබි එමීර් රාජ්‍යයේ ගනුදෙනුව යටතේ ඉදිරි වසර 50 සඳහා ඒකාබද්ධ ව්‍යාපාරයෙන් හතරක් බදු දෙන අතර, ඉදිරි වසර 10 තුළ යටිතල පහසුකම් සහ එහි ව්‍යුහය සඳහා සැළකිව යුතු ආයෝජනයක් සිදු කරනු ඇති බව AD සමූහය සඳහන් කරයි.

විශාල නැව් නැංගුරම්ලෑමට ඉඩ සැලසෙන පරිදි නැංගුරම් පොළ ගැඹුරු කිරීම, මුහුදු තීරයේ දිගු කිරීම සහ බහාලුම් ගබඩා ප්‍රදේශය වැඩි කිරීම මෙම සැලසුම්වලට ඇතුළත් වන බව නිවේදනයක් නිකුත් කරමින් සමාගම සඳහන් කර ඇත.

මේ හේතුවෙන් බහාලුම් 8500ක් දක්වා රැගෙන යා හැකි නැව් හැසිරවීම පර්යන්තයට හැකි වන අතර, වසරකට බහාලුම් 750,000 සිට මිලියනයක් දක්වා ධාරිතාව ඉහළ යනු ඇති බවද එහි සඳහන් කර තිබේ.

මෙම සංවර්ධනයේ වැඩි කොටසක් 2026 දී සිදු කිරීම සඳහා සැලසුම් කර ඇත.