ඉදිරි දේශපාලන කටයුතුවලට පෙර පක්ෂයේ බිම් මට්ටමේ ව්‍යුහය ශක්තිමත් කිරීමේ උත්සාහයේ කොටසක් ලෙස ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ නව සංවිධායකවරුන් කිහිපදෙනකු පත්කර තිබේ.

ඒ අනුව ශ්‍රී ලංකා පොදුජන ජ්‍යෙෂ්ඨ පුරවැසි හා සාම විනිසුරු සංවිධානයේ ජාතික කැඳවුම්කරු ලෙස චින්තක අමල් මායාදුන්න පත්කර ඇත.

කොළඹ දිස්ත්‍රික්කය සඳහා, කේ.ජී. මධුෂාන් හරින්ද්‍ර, ජනිත් කෂාන්, හරිනි විජේතුංග සහ නිළියක වන රුවන්ති මංගලා පෙරේරා දිස්ත්‍රික් සංවිධායකවරුන් ලෙස පත්කර තිබේ.

මේ අතර, නුවරඑළිය දිස්ත්‍රික්කයේ වතු කම්කරු ප්‍රජාව නියෝජනය කරන දිස්ත්‍රික් සම්බන්ධීකාරකවරුන් ලෙස කේ. රාමක්‍රිෂ්ණන් සහ රවීන්ද්‍රන් හරේෂ් පත්කර ඇත.

බත්තරමුල්ල, නෙළුම් මාවතේ පිහිටි පක්ෂ මූලස්ථානයේදී පත්වීම් ලිපි භාරදී ඇති අතර, පක්ෂ මහලේකම් නීතිඥ සාගර කාරියවසම් ද මෙම අවස්ථාවට සහභාගී වී තිබේ.