ගල්කිස්සේ නිවාස සංකීර්ණයක 13 වන මහලින් වැටී එංගලන්තයේ පුරවැසිභාවය හිමි තරුණියක මිය ගොස් ඇත.

ඇය අද (10) යලි එංගලන්තය බලා පිටව යාමට නියමිතව තිබී ඇති බවද අනාවරණය වෙයි.

Face book හරහා හඳුනාගත් මෙරට තරුණයෙකු හමුවීම සඳහා ඇය මෙහි පැමිණ තිබේ.

අදාල තරුණයා මේ වනවිට පොලිස් භාරයට ගෙන තිබේ.

ගල්කිස්ස පොලිසිය වැඩිදුර පරීක්ෂණ සිදු කරයි.

කෙසේ වෙතත් මෙය ඝාතනයක් ද සිය දිවි නසා ගැනීමක් ද අනතුරක් ද යන්න පශ්චාත් මරණ පරීක්ෂණයෙන් පසුව ප්‍රකාශ කළ හැකි බව පොලීසිය සඳහන් කළේය.