මේ වසරේ මේ දක්වා මෙරට වැඩියෙන්ම ලියාපදිංචි කර ඇත්තේ යතුරුපැදි බව මෝටර් රථ ප්‍රවාහන දෙපාර්තමේන්තුව පවසයි.

කොමසාරිස් ජනරාල් කමල් අමරසිංහට අනුව, 2025 ජනවාරි මාසයේ සිට යතුරුපැදි 223,423ක් මෝටර් රථ ප්‍රවාහන දෙපාර්තමේන්තුවේ ලියාපදිංචි කර ඇත.

ඊට අමතරව මෝටර් රථ 55,338ක්, ත්‍රිරෝද රථ 13,850ක් සහ සියලුම කාණ්ඩවල විදුලි වාහන 35,268ක් ලියාපදිංචි කර ඇත.

වාහන ලියාපදිංචි කිරීම් ඉහළ යෑම දෙපාර්තමේන්තුවේ වාර්ෂික ආදායම් ඉලක්කය ඉක්මවා යෑමට උපකාරී වී ඇති බව අමරසිංහ පැවසීය.

මෝටර් රථ ප්‍රවාහන දෙපාර්තමේන්තුව වෙත මේ වසරේ රුපියල් බිලියන16ක ඉලක්කයක් පවරා තිබිණි.

නොවැම්බර් 30 වන විට රුපියල් බිලියන 17.8ක් දෙපාර්තමේන්තුව රැස් කර ඇත.

භාණ්ඩාගාරය 2026 සඳහා රුපියල් බිලියන18ක ආදායම් ඉලක්කයක් තබා තිබේ.

අමරසිංහ පැවසුවේ එම ඉලක්කය සාක්ෂාත් කරගත හැකි බව මෝටර් රථ ප්‍රවාහන දෙපාර්තමේන්තුව විශ්වාස කරන බවයි.