September 26, 2026
බුද්ධශාසන අමාත්යාංශයේ හිටපු ලේකම්වරයෙකු වූ කමල් බණ්ඩාර දිසානායක අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.
රාජ්ය ප්රසම්පාදන ක්රමවේදයන් උල්ලංඝනය කරමින් රජයට මූල්යමය පාඩුවක් සිදුකිරීමේ චෝදනා යටතේ මෙම අත්අඩංගුවට ගැනීම සිදුකර ඇත.
අමාත්යාංශය මගින් මුද්රණය කරන ලද “දැහැමි නිවහනයි අපේකම රැඳි හෙට දිනයි” නමැති ග්රන්ථ ව්යාපෘතියේදී සිදු වූ බව කියන මූල්ය වංචාවක් සම්බන්ධයෙන් මෙම විමර්ශන ක්රියාත්මක විය.
කොමිෂන් සභාව සඳහන් කරන පරිදි, නීත්යානුකූල ප්රසම්පාදන පටිපාටියෙන් බැහැරව සිය හිතවත් පෞද්ගලික ආයතනයක් වෙත අවස්ථා තුනකදී රුපියල් 4,790,000ක වටිනාකමකින් යුත් මුද්රණ කටයුතු ලබාදීමට හිටපු ලේකම්වරයා කටයුතු කර ඇති බව පැවැසේ.
තවද, අදාළ පොත් තොගය අමාත්යාංශ ගබඩාව වෙත නිසි පරිදි භාරගෙන නොමැති අතර, එම ලබාගැනීම තහවුරු කිරීමටත් පෙර අදාළ ආයතනය වෙත ගෙවීම් සිදුකිරීමට කටයුතු කර තිබේ.
එමගින් රජයේ මුදල් අවභාවිත කරමින් අදාළ ආයතනයට අනිසි වාසියක් සැලසීම තුළින් ඔහු දූෂණය නමැති වරද සිදුකර ඇති බවට විමර්ශනවලදී අනාවරණය වී ඇත.
අත්අඩංගුවට ගත් සැකකාර හිටපු ලේකම්වරයා ඉදිරි නීතිමය පියවර සඳහා කොළඹ ප්රධාන මහේස්ත්රාත් අධිකරණය හමුවට ඉදිරිපත් කිරීමට නියමිතය.
