April 22, 2026
විකාශන සංඛ්යාත බලපත්රයට අදාළ කොන්දේසි උල්ලංඝනය කරන ඕනෑම ජනමාධ්ය ආයතනයකට එරෙහිව ලැබෙන පැමිණිලි සම්බන්ධයෙන් ජනමාධ්ය අමාත්යාංශයේ ලේකම්වරයා අවශ්ය පියවර ගන්නා බව කැබිනට් ප්රකාශක අමාත්ය නලින්ද ජයතිස්ස පැවැසීය.
අද පැවති කැබිනට් මණ්ඩල රැස්වීමෙන් පසු ජනමාධ්ය හමුව අමතමින් අමාත්ය නලින්ද ජයතිස්ස පැවසුවේ, යම් ප්රවෘත්ති වාර්තාවක් හේතුවෙන් තම අයිතිවාසිකම් උල්ලංඝනය වී ඇති බවට හැඟෙන ඕනෑම පුද්ගලයකුට නීතිමය පියවර ගත හැකි බවයි.
“විකාශන සංඛ්යාත බලපත්රයට අදාළ කොන්දේසි උල්ලංඝනය කර ඇති බවට අපට පැමිණිල්ලක් ලැබුණහොත්, ජනමාධ්ය අමාත්යාංශය පරීක්ෂණයක් ආරම්භ කරනවා. ගත යුතු ක්රියාමාර්ග සිද්ධිය මත පදනම් වෙනවා. සිද්ධියෙන් සිද්ධියට තත්වය වෙනස් වෙන්න පුළුවන්” ඔහු තවදුරටත් පැවසීය.
හිරු මාධ්ය ජාලය තම වත්කම් ප්රකාශනය සම්බන්ධයෙන් අසත්ය සහ නොමඟ යවන සුළු වාර්තාවක් ප්රකාශයට පත්කළ බවට චෝදනා කරමින් අමාත්ය කේ.ඩී. ලාල් කාන්ත ජනමාධ්ය අමාත්යාංශයට කළ පැමිණිල්ල සම්බන්ධයෙන් මතුකරන ලද ප්රශ්නයකට පිළිතුරු දෙමින් අමාත්යවරයා මේ බව පැවසීය.
එම ප්රශ්නයට පිළිතුරු දෙමින් අමාත්ය ජයතිස්ස තවදුරටත් පිළිගත්තේ, ලංකා ඛනිජ තෙල් නීතිගත සංස්ථාවෙන්ද හිරු මාධ්ය ජාලය සම්බන්ධයෙන් ජනමාධ්ය අමාත්යාංශයට පැමිණිල්ලක් ලැබී ඇති බවයි.
ජනමාධ්ය අමාත්යාංශයට ඉදිරිපත් කර ඇති පැමිණිල්ලට අමතරව, ආසියානු විකාශන සංස්ථාව (පෞද්ගලික) සමාගම යටතේ ක්රියාත්මක වන හිරු මාධ්ය ජාලය එහි විකාශන සංඛ්යාත බලපත්රයේ කොන්දේසි උල්ලංඝනය කර ඇති බවට චෝදනා කරමින් අමාත්ය ලාල් කාන්ත ශ්රී ලංකා විදුලි සංදේශ නියාමන කොමිෂන් සභාවට (TRCSL) පැමිණිල්ලක් ඉදිරිපත් කර තිබේ.
එම පැමිණිල්ලට අනුව, හිරු මාධ්ය ජාලය ජනමාධ්ය අමාත්යාංශය විසින් නිකුත් කරන ලද බලපත්රයේ නියමයන් උල්ලංඝනය කර ඇතිවා පමණක් නොව, TRCSL විසින් ප්රදානය කරන ලද සංඛ්යාත බලපත්රයට අදාළ කොන්දේසි ද බරපතල ලෙස උල්ලංඝනය කර ඇත.
මේ සම්බන්ධයෙන් විධිමත් පරීක්ෂණයක් පවත්වන ලෙස අමාත්ය ලාල්කාන්ත කොමිසමෙන් ඉල්ලා තිබේ.
