May 15, 2025
ජාතික ජනමාධ්ය ප්රතිපත්තියක් නිර්මාණය කිරීම සඳහා ක්රියාකාරීව සහභාගී වන ලෙස සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස ජනමාධ්යවේදීන්ගෙන් සහ වෘත්තීය සමිති සාමාජිකයින්ගෙන් ඉල්ලා සිටියි.
පසුගිය දශක දෙකක කාලය තුළ මෙරට පැවැති රජයන් එම කාලය තුළ එවැනි ප්රතිපත්තියක් නිර්මාණය කිරීමට උත්සාහ කළ නමුත් සහයෝගයෙන් ඒ සඳහා එකඟතාවලට එළඹීමට නොහැකි වූ බව අමාත්යවරයා පෙන්වාදී ඇත.
එබැවින් ඔහු පවසන්නේ, එවැනි ප්රතිපත්තියක් හඳුන්වාදීම යුගයේ අවශ්යතාවය සහ ඊට සුදුසුම කාලය එළඹ ඇති බවයි.
අමාත්යවරයා මෙම අදහස් පළකර ඇත්තේ, ජනමාධ්ය අමාත්යාංශයේදී ජනමාධ්යවේදීන් සහ ප්රාදේශීය ජනමාධ්ය සංගම් මෙන්ම වෘත්තීය සමිති නියෝජිතයන් සමඟ විශේෂ සාකච්ඡාවකට එක්වෙමිනි.
ජාතික ජනමාධ්ය ප්රතිපත්තියේ දැනටමත් සකස් කර ඇති කෙටුම්පත් පත්රිකාවක ප්රගතිය පිළිබඳව මෙම රැස්වීමේදී සාකච්ඡාවට ලක්වූ නමුත්, බොහෝ ජනමාධ්ය සංවිධාන හෝ සංගම්වලට ආරාධනාවක් හෝ ලේඛනය කෙටුම්පත් කිරීමේ අදියරට සම්බන්ධ වීමට හෝ අවස්ථාවක් නොලැබීම හේතුවෙන් ජනමාධ්යවේදීන් සහ සංවිධාන නියෝජිතයන් ඒ පිළිබඳව සිය කණගාටුව පළකර ඇත.
දේශීය ජනමාධ්ය සඳහා වරලත් ආයතනයක් පිහිටුවීම සහ ප්රාදේශීය ජනමාධ්යවේදීන්ගේ වෘත්තීයභාවය ඉහළ නැංවීම මෙන්ම ඔවුන්ගේ වෘත්තීය ප්රමිතීන් ඉහළ නැංවීම කෙරෙහි ද එහිදී අවධානය යොමුව ඇත.
