පාර්ලිමේන්තු මන්ත්‍රීවරුන් වන මයන්ත දිසානායක සහ රාජිත සේනාරත්න අද(01) පැවැති සමගි ජන බලවේගයේ මැයි දින රැළියට පැමිණ නොසිටීම කැපීපෙනෙන සිදුවීමක් විය. සමගි ජන බලවේගයේ මැයි දින රැලිය පැවැත්වුණේ පිටකොටුව ඒ.ඊ. ගුණසිංහ ක්‍රීඩාංගණයේ ය.

මයන්ත දිසානායක මන්ත්‍රීවරයා පෞද්ගලික සංචාරයක් සඳහා විදේශගත වී ඇති බව ඔහුට සමීප ආරංචි මාර්ග සඳහන් කරයි. කෙසේවෙතත් පසුගිය වකවානුවේ හෙතෙම සමගි ජන බලවේගයේ කිසිදු ක්‍රියාකාරී කටයුත්තකට සහභාගී නොවීය.

සමගි ජන බලවේගයේ මැයි දින රැළියට නොපැමිණි අනෙක් කැපී පෙනෙන පුද්ගලයා වූයේ මෑතක සිට වෙනස්ම ගමනක නිරතවන බව පෙනෙන මන්ත්‍රී රාජිත සේනාරත්න ය.