ඩෙන්මාර්කයේ බොහෝ සමාගම් චීනයට විකල්පයක් ලෙස වියට්නාමය, තායිලන්තය සහ පිලිපීනය වැනි අග්නිදිග ආසියානු තරඟකරුවන්ට වඩා ඉන්දියාවට ප්‍රමුඛතාවය ලබා දෙන බව ඉන්දු-ඩෙන්මාර්ක වාණිජ මණ්ඩලයේ සභාපති සොරෙන් හොල්ම් ජොහන්සන් පැවසීය.

‘ද හින්දු’ (The Hindu) පුවත්පත සමඟ අදහස් දක්වමින් ජොහන්සන් පැහැදිලි කළේ, ඩෙන්මාර්ක සමාගම් ඉන්දියාව කෙරෙහි ආකර්ෂණය වීමට බලපාන ප්‍රධානතම සාධකය වන්නේ එරට පවතින දක්ෂ මානව සම්පත බවයි.

ඩෙන්මාර්කයේ පිහිටි ඉන්දු-ඩෙන්මාර්ක වාණිජ මණ්ඩලය විසින් අප්‍රේල් 8 වනදා නවදිල්ලියේ සිය ශාඛාවක් පිහිටුවීම නිල වශයෙන් ප්‍රකාශයට පත් කරන ලදී.

‘ඉන්දියාව සතු දක්ෂ මානව සම්පත ඉතාමත් වැදගත් සම්පතක්. එය ඩෙන්මාර්ක සමාගම්වලට ඉන්දියාව තුළ පමණක් නොව, ඔවුන්ගේ ගෝලීය ක්‍රියාකාරකම් සඳහාද වඩ වඩාත් වැදගත් වී තිබෙනවා’ යැයි ජොහන්සන් වැඩිදුරටත් සඳහන් කළේය.