හිම කුණාටුවකින් පසු ඇති වූ දැඩි හිම පතනයකට හසුව එවරස්ට් කන්දේ අතරමං වී සිටින 200කට වැඩි කඳු නගින්නන් පිරිසක් මුදා ගැනීම සඳහා ගලවා ගැනීමේ කණ්ඩායම් කාලය සමග දැඩි සටනක නිරතව සිටින බව විදෙස් මාධ්‍ය වාර්තා කරයි.

තවත් 350 දෙනෙක් පමණ බේරා ගැනීමේ කණ්ඩායම් විසින් ආරක්ෂිත ස්ථානයකට ගෙන ගොස් ඇති බව චීන CCTV නාලිකාව වාර්තා කළේය.

බේරා ගැනීමේ කණ්ඩායම් තවත් 200 දෙනෙක් මුදා අග්නිම සඳහා ඔවුන් සමඟ සම්බන්ධ වී සිටී.

චීන අන්තර්ජාල වෙබ් අඩවියක් වන ජිමු නිවුස් හි පෙර වාර්තාවකට අනුව, කඳු නගින්නන් මීටර් 8,850 (අඩි 29,000)ක් පමණ උසින් යුතු එවරස්ට් කන්දේ මීටර් 4,900 (අඩි 16,000)ට වැඩි ස්ථානයක සිරවී සිට ඇත.

සිරවී සිටින පුද්ගලයන්ට පහළට පැමිණිය හැකි වන පරිදි මාර්ග පිරිසිදු කිරීම සඳහා සිය ගණනක ගලවා ගැනීමේ කණ්ඩායම් ඊයේ කන්දට ගිය බව ජිමු වාර්තාවේ සඳහන් වේ.

චීන භාෂාවෙන් කොමොලන්ග්මා කන්ද ලෙස හැඳින්වෙන එවරස්ට් කන්ද චීනය සහ නේපාලය අතර මායිම දිගේ පිහිටා ඇත.

මෑත කාලීන අධික වර්ෂාව හේතුවෙන් එහිදී පුද්ගලයන් 40කට වැඩි පිරිසක් මිය ගොස් තිබේ.

කඳු නගින්නන් රටවල් දෙකෙහිම පිහිටි මූලික කඳවුරුවලින් ලොව උසම කඳු මුදුන තරණය කිරීමට උත්සාහ කරනු දැකිය හැකිය.