ඇන්ටාක්ටිකාවේ උසම කන්ද වන මීටර් 4,892ක උසකින් යුතු වින්සන් කන්ද තරණය කරමින් එම ජයග්‍රහණය අත්කර ගත් පළමු ශ්‍රී ලාංකිකයා බවට පත් වීමට ජොහාන් පීරිස් සමත්ව තිබේ.

2018 දී ජොහාන් පීරිස් එවරස්ට් කන්ද තරණය කළ දෙවැනි ශ්‍රී ලාංකිකයා ලෙස ඉතිහාසයට එක් වූ අතර එය මෙරට කඳු නැගීමේ ඉතිහාසය තුළ ඔහුගේ ස්ථානය තහවුරු කළ ජයග්‍රහණයකි.

යුරෝපයේ එල්බ්‍රස් කන්ද, අප්‍රිකාවේ කිලිමන්ජාරෝ කන්ද සහ ඕස්ට්‍රේලියාවේ කොස්කියුස්කෝ කන්ද තරණය කරමින් ඔහුගේ අසාමාන්‍ය කඳු නැගීමේ ගමන දිගටම පැවතිණි.

‘සෙවන් සමිට්ස්’ අභියෝගය කිසිදා ශ්‍රී ලාංකිකයකු සම්පූර්ණ කර නොමැති අතර, ලොව පුරා පුද්ගලයන් 350 දෙනෙකු පමණක් එම දස්කම දක්වා තිබේ.