July 7, 2023
ආන්දෝලනාත්මක ප්‍රකාශ සිදුකළ ජෙරොම් ප්‍රනාන්දු, ඔහු සම්බන්ධයෙන් සිදුකෙරෙන මුදල් විශුද්ධිකරණය ඇතුළු චෝදනා කිහිපයකට අදාළව පරීක්ෂණ මධ්‍යයේ සිංගප්පූරුවේ සිටි එක්සත් රාජධානියට ගොස් ඇතැයි වාර්තා වේ.
ජෙරොම් ප්‍රනාන්දුගේ ඉන්ස්ටග්‍රෑම් පිටුවේ පළ කර ඇති සටහනකට අනුව, ඔහු එක්සත් රාජධානියේ දේව මෙහෙයක් පවත්වනු ඇත.
“ජෙරොම් ප්‍රනාන්දු දේවගැතිතුමා ජුලි 06 සිට බ්‍රහස්පතින්දා දින තුනක එක්සත් රාජධානියේ දේව සේවයේ යෙදෙනු ඇත” යනුවෙන් එම සටහනේ දැක්වේ.
බුද්ධාගම, ඉස්ලාම් සහ හින්දු ආගමට එරෙහිව ඔහු විසින් කරන ලද ආන්දෝලනාත්මක ප්‍රකාශ සම්බන්ධයෙන් අපරාධ පරීක්ෂණ දෙපාර්තමේන්තුව පරීක්ෂණයක් ආරම්භ කිරීමට සමගාමීව ඔහු පසුගිය මැයි 16 වන දින සිංගප්පූරුවට පළාගියේය.
ඉන්පසුව, ජෙරොම් ප්‍රනාන්දු මැයි 21 වන දින සජීවී වීඩියෝවක් හරහා තමන්ගේ ප්‍රකාශ හරහා බෞද්ධ, හින්දු සහ ඉස්ලාම් ආගමට යම් හානියක් සිදුවී නම් ඊට නම් සමාව අයැද සිටියේය.
ඉන් අනතුරුව ඔහු ශ්‍රී ලංකාවට නොපැමිණි නමුත්, ඔහුගේ බිරිඳ සහ දරුවෝ සිංගප්පූරුවේ සිට ජුනි 02 වැනිදා ශ්‍රී ලංකාවට පැමිණියහ.
