ශ්‍රී ලංකා ක්‍රිකට් කණ්ඩායමේ හිටපු නායක සනත් ජයසූරිය, සෞදි අරාබියේදී මරණ දඬුවම නියම වී සිටින ශ්‍රී ලාංකික තරුණයෙකු වන සිවරාසා අනෝජන් වෙනුවෙන් දයාව සහ සමාව ඉල්ලා සිටින පිරිස හා එක්වෙමින්, මානුෂීය පදනම මත ඔහුට සමාව ලබා දීම පිළිබඳව සලකා බලන ලෙස සෞදි අරාබි රාජ්‍යයෙන් ප්‍රසිද්ධ ඉල්ලීමක් සිදු කර තිබේ.

සමාජ මාධ්‍ය සටහනක් තබමින් සනත් ජයසූරිය පෙන්වා දුන්නේ, ආගම හෝ ජාතිය කුමක් වුව ද මෙම මානුෂීය ඉල්ලීමට සහාය දැක්වීමේදී ශ්‍රී ලාංකිකයන් අතර පවතින්නේ දැඩි එකමුතුවක් බවයි.

“ආගම හෝ ජාතිය කුමක් වුවත් අපි ශ්‍රී ලාංකිකයන් ලෙස එකමුතුව සිටිනවා. මානුෂීය පදනම මත අපගේ සිවරාසා අනෝජන්ට සමාව ලබා දීම පිළිබඳව කාරුණිකව සලකා බලන ලෙස අපි සෞදි අරාබි රාජ්‍යයෙන් ඉතා ගෞරවයෙන් ඉල්ලා සිටිනවා,” යනුවෙන් සඳහන් කර ඇත.