බත්තරමුල්ලේ පිහිටි ශ්‍රී ලංකා-ජපන් මිත්‍රත්ව මාර්ගයේ සංවර්ධන කටයුතු ප්‍රවාහන හා මහාමාර්ග නියෝජ්‍ය අමාත්‍ය ප්‍රසන්න ගුණසේනගේ ප්‍රධානත්වයෙන් ඊයේ (28) නිල වශයෙන් ආරම්භ විය.

මාර්ග සංවර්ධනය ප්‍රවාහන හා මහාමාර්ග අමාත්‍යාංශයේ මඟ පෙන්වීම යටතේ සිදු කෙරෙන අතර මාර්ග සංවර්ධන අධිකාරියේ (RDA) කොළඹ ප්‍රධාන ඉංජිනේරු කාර්යාලය විසින් අධීක්ෂණය කරනු ලැබේ.

කිලෝමීටර් 2ක් පුරා විහිදෙන බත්තරමුල්ලේ ශ්‍රී ලංකා-ජපන් මිත්‍රත්ව මාර්ගය රුපියල් මිලියන 203ක ඇස්තමේන්තුගත වියදමකින් කාපට් කරන ලද මතුපිටක් සහිතව සංවර්ධනය වෙමින් පවතී.

ප්‍රවාහන හා මහාමාර්ග අමාත්‍යාංශයට අනුව, ශ්‍රී ලංකා රජයේ අරමුදල් යටතේ ක්‍රියාත්මක වන සංවර්ධනය ඉදිරි මාස හය තුළ අවසන් කිරීමට අපේක්ෂා කෙරේ.

2026 පෙබරවාරි 9 වැනි දිනට පෙර සියලුම ප්‍රතිසංස්කරණ කටයුතු අවසන් කිරීමට නියමිත බව අමාත්‍යාංශය තවදුරටත් පැවසීය.