තරග පවාදීමේ චෝදනා මත ක්‍රීඩා සම්බන්ධ වැරදි වැළැ­ක්වීමේ විශේෂ විම­ර්ශන ඒක­කය විසින් අත්අ­ඩං­ගු­වට ගැණුනු ජැෆ්නා කින්ග් කණ්ඩා­යමේ සම හිමි­කරු වන ඉන්දීය ජාතික මන්ජෝත් කල්රා ඇතුළු සැක­ක­රු­වන් දෙදෙනා මේ මස 31දා දක්වා රක්ෂිත බන්ධ­නා­ගා­ර­ගත කරන ලෙස කොළඹ ප්‍රධාන මහේ­ස්ත්‍රාත් අධි­ක­ර­ණය පසු­ගි­යදා (17) නියෝග කළේය. සැක­ක­රු­වන් අධි­ක­ර­ණය හමු­වට ඉදි­රි­පත් කළ අව­ස්ථාවේ දී කොළඹ ප්‍රධාන මහේ­ස්ත්‍රාත් අසංග එස්. බෝද­ර­ගම විසින් මෙම නියෝ­ගය නිකුත් කළේය.

ක්‍රීඩා සම්බන්ධ වැරදි වැළැ­ක්වීමේ විශේෂ විම­ර්ශන ඒක­කය නිල­ධා­රීන් අධි­ක­ර­ණය හමුවේ කරුණු දක්ව­මින් මෙම සිද්ධි­යට සම්බන්ධ දුර­ක­තන සංවාද පටි­ගත කර ඇති බව පැව­සීය. පැමි­ණිල්ල වෙනු­වෙන් පෙනී සිටි නිල­ධා­රීන් වැඩිදුර­ටත් කරුණු දක්ව­මින් මෙසේ පැව­සීය.

“ස්වාමීනි, එල්.පී.එල්. ක්‍රිකට් තර­ගා­ව­ලිය සඳහා තරග වදින ක්‍රීඩ­ක­යන්ට තරග පාවා­දීම සඳහා බල­පෑම් කිරීමේ සිද්ධිය සම්බ­න්ධ­යෙන් මෙම සැක­ක­රු­වන් දෙදෙනා අත්අ­ඩං­ගු­වට ගෙන තිබෙ­නවා. ඒ අනුව භානුක රාජ­පක්ෂ, දුනිත් වෙල්ලා­ලගේ, අවිශ්ක ප්‍රනාන්දු ඇතුළු ක්‍රීඩ­ක­යන් කීප­දෙ­න­කුට මෙම සැක­කරු තරග පාවා­දීම සඳහා යෝජනා ඉදි­රි­පත් කර තිබෙ­නවා. පසුව අව­න්හ­ල­කදී ක්‍රීඩ­ක­යන් හමුවී තරග හත­රක් පාවා­දීම සඳහා අමෙ­රි­කානු ඩොලර් ලක්ෂ තුනක මුද­ලක් ලබා­දෙන බව සැක­කරු විසින් යෝජනා කර තිබෙ­නවා. මේ පිළි­බ­ඳව අදාළ ක්‍රීඩ­ක­යන් ක්‍රීඩා දූෂණ වැළැ­ක්වීමේ විම­ර්ශන අංශ­යට දැනුම්දීමක් සිදු­කළා. ඒ අනුව විම­ර්ශන නිල­ධා­රීන් ලබා­දුන් උප­දෙ­ස­කට අනුව මෙම ක්‍රීඩ­ක­යන් එක් තර­ග­යක් සඳහා අමෙ­රි­කානු ඩොලර් 50000ක මුද­ලක් ඉල්ලා තිබෙ­නවා. මෙම සිද්ධි­යට සම්බන්ධ සියලු දුර­ක­තන සංවාද පටි­ගත කර තිබෙ­නවා. වීඩියෝ දර්ශ­නත් තිබෙ­නවා. ඒවා අපි අද මුද්‍රාතබා අධි­ක­ර­ණ­යට ඉදි­රි­පත් කර­නවා. රුපි­යල් ලක්ෂ 120ක ගනු­දෙ­නු­වක් පසුව රුපි­යල් ලක්ෂ 80ට අඩුකරලා ඉන් අන­තු­රුව රුපි­යල් ලක්ෂ 115කට එකඟ වෙලා තිබෙ­නවා. ඒ අනුව රුපි­යල් ලක්ෂ 95ක මුද­ලක් දෙවන සැක­කරු විසින් 16 දින කොළඹ ලංකා බැංකු මූල­ස්ථා­නය ඉදි­රි­පිට ලබා­දීම සඳහා පැමිණි අව­ස්ථාවේ දී මෙම සැක­ක­රු­වන් අත්අ­ඩං­ගු­වට ගැනීම සිදුකළා. කළු පැහැති බෑග් එකක තමයි එම මුදල් රැගෙන ආවේ. එම බෑග­යත් අධි­ක­ර­ණ­යට ඉදි­රි­පත් කර­නවා.”

එම අව­ස්ථාවේ නිල­ධා­රීන් විසින් මුද්‍රා තබන ලද මුදල් සහිත බෑගය අධි­ක­ර­ණය හමු­වට ඉදි­රි­පත් කළේය.

සිද්ධිය සම්බ­න්ධ­යෙන් තව­දු­ර­ටත් විම­ර්ශන කට­යුතු සිදු­වන බැවින් සැක­ක­රු­වන් රක්ෂිත බන්ධ­නා­ගා­ර­ගත කරන ලෙස විම­ර්ශන නිල­ධා­රීන් අධි­ක­ර­ණ­යෙන් ඉල්ලා සිටි­යේය.

සැක­කරු වෙනු­වෙන් පෙනීසිටි නීති­ඥ­ව­රයා අධි­ක­ර­ණය හමුවේ කරුණු දක්ව­මින් සැක­කරු කිසිදු අල්ලස් මුද­ලක් ලබා දුන් බවට සාක්ෂි නොමැති බව පැව­සීය. තවද සැක­කරු විශාල මුද­ලක් රැගෙන ලංකා­වට පැමිණ තිබෙන්නේ ක්‍රීඩාවේ ප්‍රව­ර්ධ­නය වෙනු­වෙන් බවද පැව­සීය. එම සියලු කරුණු සැල­කි­ල්ලට ගනි­මින් සැක­ක­රු­වන්හට ඇප ලබා දෙන ලෙසට නීති­ඥ­ව­රයා අධි­ක­ර­ණ­යෙන් ඉල්ලා සිටි­යේය.

දෙපා­ර්ශ්වය විසින් ඉදි­රි­පත් කළ සියලු කරුණු සැල­කි­ල්ලට ගත් මහේ­ස්ත්‍රා­ත්ව­රයා සැක­ක­රු­වන් රක්ෂිත බන්ධ­නා­ගා­ර­ගත කරන ලෙස නියෝග කළේය. නඩු­ක­රය මේ මස 31දා නැවත කැඳ­වී­මට නිය­ම­තය.

(දිනමිණ)