එක්සත් ජනපද හමුදා ගුවන් යානා දෙකක් ඊයේ(3) බිම හෙළූ බව ඉරානය පවසයි.

ඉරාන රාජ්‍ය මාධ්‍ය සහ හමුදා ප්‍රකාශනවලට අනුව එක් යානයක් කොහිලුයේ සහ බෝයර්-අහමඩ් පළාතේදී සහ අනෙක් යානය ගල්ෆ් කලාපයට ඉහළින් තිබින්යදී මෙලෙස ප්‍රහාර එල්ල කර තිබේ.

ඉරාන බලධාරීන් පැවසුවේ පළමු ගුවන් යානය කාර්ය මණ්ඩල සාමාජිකයන් දෙදෙනෙකු රැගත් F-15E ස්ට්‍රයික් ඊගල් යානයක් බවයි.

එක් කාර්ය මණ්ඩල සාමාජිකයකු බේරාගෙන ඇති අතර අනෙක් පුද්ගලයා තවමත් අතුරුදහන් වී ඇති බව වාර්තා වේ.

නිලධාරීන් උපුටා දක්වමින් එක්සත් ජනපද මාධ්‍ය වාර්තා කළේ, සෝදිසි කිරීමේ සහ ගලවා ගැනීමේ මෙහෙයුමක් සඳහා යොදවා තිබූ එක්සත් ජනපද බ්ලැක් හෝක් හෙලිකොප්ටර් දෙකක් මෙහෙයුම අතරතුර ගැටුණු නමුත් ආරක්ෂිතව ඔවුන්ගේ කඳවුරු වෙත ආපසු පැමිණීමට හැකි වූ බවයි.

කෙසේවෙතත් A-10 Warthog ලෙස හඳුනාගෙන ඇති දෙවැනි ගුවන් යානයක් ද වෙඩි තබා බිම හෙළූ බව ඉරානය පැවසීය.

ගුවන් යානයේ එකම නියමුවා බේරා ගත් බව නිලධාරීන් උපුටා දක්වමින් එක්සත් ජනපද මාධ්‍ය වාර්තා කළේය.

ඉරාන හමුදාව පැවසුවේ නව දියුණු ගුවන් ආරක්ෂක පද්ධතියක් මෙම ප්‍රහාරක ජෙට් යානය බිම හෙළීමට භාවිත කළ බවත්, මෙම සිදුවීම ඉරානයේ එක්සත් ජනපද හමුදාවල හැකියාව පෙන්නුම් කරන බවත්ය.

වාර්තාවලට අනුව, එක්සත් ජනපද නියමුවන් පණපිටින් අල්ලා ගන්නා ඕනෑම කෙනෙකුට ත්‍යාගයක් පිරිනමන බව ඉරාන රාජ්‍ය රූපවාහිනිය ද නිවේදනය කර තිබේ.

මෙම වර්ධනයන් පිළිබඳ එක්සත් ජනපද ජනාධිපති ඩොනල්ඩ් ට්‍රම්ප්ව දැනුවත් කර ඇති බව ධවල මන්දිරය තහවුරු කළේය.