April 24, 2024
මත්ද්රව්ය ළඟ තබා ගැනීම සහ මත්ද්රව්ය ජාවාරමේ යෙදෙන පුද්ගලයන් සමඟ සබඳතා පැවැත්වීම සම්බන්ධයෙන් අත්අඩංගුවට ගෙන සිටින පොලිස් සහ හමුදා නිලධාරීන්ට අදාළ චෝදනා ඔප්පු වුවහොත් තනතුර හෝ තරාතිරම නොබලා දැඩි ක්රියාමාර්ග ගන්නා බව පොලිස් දෙපාර්තමේන්තුව පවසයි.
මත්ද්රව්ය ජාවාරම්කරුවන් සමඟ ගනුදෙනු කළ බව කියන උප පොලිස් පරීක්ෂකවරයකු සහ සැරයන්වරයකු ඇතුළු පොලිස් නිලධාරීන් දෙදෙනෙකු අපරාධ පරීක්ෂණ දෙපාර්තමේන්තුව විසින් පසුගියදා අත්අඩංගුවට ගනු ලැබිණි.
මේ අතර, අයිස් මත්ද්රව්ය සන්තකයේ තබාගෙන සිටියදී අත්අඩංගුවට ගත් නාවික හමුදා නිලධාරීන් දෙදෙනා ඇතුළු සැකකරුවන් 4 දෙනෙකුට අලුත්කඬේ මහේස්ත්රාත් අධිකරණය අප්රේල් 19 වැනිදා රැඳවුම් නියෝගයක් ද නිකුත් කළේය.
පොලිස් මාධ්ය ප්රකාශක නියෝජ්ය පොලිස්පති තීඥ නිහාල් තල්දූව පවසන්නේ මේ වන විට හමුදා අංශ ඇතුළු නීතිය ක්රියාත්මක කරන බලධාරීන් නීතිවිරෝධී ක්රියාවලට එරෙහිව කටයුතු කරමින් සිටින බවයි.
මත්ද්රව්ය ළඟ තබා ගැනීම සහ මත්ද්රව්ය ජාවාරම්කරුවන් සහ සංවිධානාත්මක අපරාධකරුවන් සමඟ සබඳතා පැවැත්වීම සම්බන්ධයෙන් චෝදනා එල්ල වන සිය නිලධාරීන් සම්බන්ධයෙන් වන මෙහෙයුම් මෙම ආයතනවලට අලුත් දෙයක් නොවේ.
දැනට ක්රියාත්මක වන ‘යුක්තිය’ මෙහෙයුම්වලට සමගාමීව එවැනි යාන්ත්රණයන් ශක්තිමත් කර ඇති නමුත් එම ක්රියාමාර්ග ඉතා ප්රවේශමෙන් සහ පවතින රාමුවට අනුව ගත යුතු බව ද නියෝජ්ය පොලිස්පති තල්දූව පවසයි.
දෙපාර්තමේන්තුවට ලැබෙන තොරතුරු සොයා ගැනීමට පළමුව පොලිසිය බුද්ධි අංශවල සහය ලබා ගනිමින් සිටින බවත්, එම තොරතුරු සත්යාපනය කරන පළමු අවස්ථාවේදීම එම පුද්ගලයන් අත්අඩංගුවට ගන්නා බවත් ඔහු වැඩිදුරටත් සඳහන් කරයි.
විශේෂ ක්රමවේද සහ ක්රියාපටිපාටි අනුගමනය කළ යුතු බැවින් එවැනි නිලධාරීන් එකවර අත්අඩංගුවට ගෙන වැඩ තහනම් කිරීමට පොලිසියට නොහැකි බව ද නියෝජ්ය පොලිස්පතිවරයා පෙන්වාදෙයි.
පොලිසිය මුල සිටම මෙවැනි නිලධාරීන්ට එරෙහිව ක්රියාමාර්ග ගන්නා බවත් එවැනි පුද්ගලයන් සොයා ගැනීමට විශේෂ මෙහෙයුමක් දියත් කිරීමට අවශ්ය නොවන බවත් ඔහු සඳහන් කරයි.
