ජර්මනියේ රෝහල්වල හෙදියන් 30,000 ත් 40,000 ත් අතර සංඛ්‍යාවක පුරප්පාඩු පවතින බව විදෙස් ජනමාධ්‍ය වාර්තා කර තිබේ.

එම වාර්තා පෙන්වා දෙන්නේ එරට වැඩිහිටි ජනගහනය ඉහළ යාමත් සමග මෙම අවශ්‍යතාව උද්ගත වී ඇති බවයි.

එමෙන්ම මෑතකාලීනව ජර්මනියේ සෞඛ්‍ය සේවා අංශයේ රැකියා වර්ධනය විදේශිකයන්ගේ පැමිණීම් මගින් ආවරණය වෙමින් ඇතැයි ද සඳහන්.

සාම්ප්‍රදායිකව ජර්මනියට හෙදියන් වැඩිවශයෙන් බඳවා ගැනෙන්නේ පෝලන්තය, බොස්නියාව සහ හර්සගොවිනා, තුර්කියේ සහ රුමේනියාව වැනි නැගෙනහිර යුරෝපීය රටවලින් බව පැවසේ.

කෙසේවෙතත් විදෙස් ජනමාධ්‍ය පවසන පරිදි මෙම බඳවා ගැනීමේ රටා වෙනස් වෙමින් පවතී.

වර්තමානයේදී ඉන්දියාව සහ ඉන්දුනීසියාව වැනි රටවල් හෙදියන් සහ සෞඛ්‍ය සේවා වෘත්තිකයන් සඳහා ප්‍රධාන මූලාශ්‍ර වෙළඳපොළවල් බවට පත්වෙමින් පවතී.

පෝලන්තයෙන් සහ අග්නිදිග යුරෝපයෙන් සංක්‍රමණ ප්‍රවාහයන් එම රටවල ජීවන තත්වයන් ඉහළ යාම සහ පටු වැටුප් වෙනස්කම් හේතුවෙන් පහත වැටෙමින් පවතින බව වාර්තා වේ.

ජර්මානු හෙදියන් බදු සහ සමාජ රක්ෂණ දායකත්වයන්ට පෙර මසකට යුරෝ 4,000 ක් පමණ උපයන අතර එය ආසියානු රටවල් කිහිපයක වැටුප්වලට වඩා සැලකිය යුතු ලෙස ඉහළ මට්ටමක පවතී.

එහිදී හෙදියක් සඳහා යුරෝ 8,000 ත් 18,000 ත් අතර ගෙවීමක් සිදු කෙරෙන බව වාර්තා වේ.