November 20, 2025
ඔස්ට්රේලියානු විදේශ අමාත්ය පෙනී වොන්ග් නිල සංචාරයක් සඳහා ඉන්දියාවට පැමිණ තිබේ.
ඒ, 16 වන ඕස්ට්රේලියානු-ඉන්දියානු විදේශ අමාත්යවරුන්ගේ රාමු සංවාදය සහ විදේශ කටයුතු අමාත්ය එස්. ජයශංකර් සමග ද්විපාර්ශවික සාකච්ඡා වටයක් සඳහාය.
ඊට සමගාමීව විදේශ අමාත්යවරුන් අතර ද්විපාර්ශවික සාකච්ඡා වටයක් ද පැවැත්විණි.
ඉන්දීය විදේශ කටයුතු අමාත්යංශය පැවසුවේ ද්විපාර්ශවික හමුවේදී විදේශ අමාත්යවරුන් දෙපළ ද්විපාර්ශ්වික සහයෝගීතාවයේ සමස්ත පරාසයම සමාලෝචනය කළ බවයි.
එමෙන්ම දෙරට අතර වෙළඳාම සහ ආයෝජන, ආරක්ෂක සහ ආරක්ෂාව, අධ්යාපනය සහ කුසලතා, පර්යේෂණ සහ නවෝත්පාදන, විද්යාව සහ තාක්ෂණය, අභ්යවකාශය, බලශක්තිය සහ ජනතාව අතර සම්බන්ධතා ඇතුළු ඉන්දියා-ඕස්ට්රේලියා විස්තීර්ණ උපායමාර්ගික හවුල්කාරිත්වයේ විවිධ කරුණු යටතේ අමාත්යවරුන් ප්රගතිය සාකච්ඡා කර තිබේ.
අන්යෝන්ය වශයෙන් උනන්දුවක් දක්වන කලාපීය සහ ගෝලීය ගැටළු ද සාකච්ඡා කෙරුණු අතර ඉන්දු-පැසිෆික් කලාපයේ සංවර්ධනයන් පිළිබඳව අමාත්යවරු අදහස් හුවමාරු කරගත් අතර නිදහස්, විවෘත, ආරක්ෂිත සහ සමෘද්ධිමත් ඉන්දු-පැසිෆික් කලාපයක් සඳහා ඔවුන්ගේ හවුල් කැපවීම තහවුරු කළහ.
මෙම සංචාරයේදී ඔස්ට්රේලියානු විදේශ අමාත්ය පෙනී වොන්ග් ඉන්දියාවේ ජාතික ආරක්ෂක උපදේශක ශ්රී අජිත් ඩෝවාල් ද හමුවිය.
