ඉන්දියාව සහ එක්සත් අරාබි එමීර් රාජ්‍යය අතර ද්වීපාර්ශ්වික වෙළඳ සාකච්ඡා සක්‍රීය ලෙස වේගවත් කර ඇති අතර, එහිදී ප්‍රධාන වශයෙන් ඛනිජ සම්පත්, වරාය ප්‍රමුඛව යටිතල පහසුකම් සහ ද්විපාර්ශවික වෙළඳපොළ ප්‍රවේශ කෙරෙහි විශේෂ අවධානයක් යොමු කර තිබේ.

ඉන්දියාවේ වේගයෙන් වර්ධනය වන කාර්මික පදනම සහ එක්සත් අරාබි එමීර් රාජ්‍යයේ සපිරි සැපයුම් හා ප්‍රවාහන හැකියාවන් එකිනෙකට මුසු කරමින්, දෙරට අතර පවතින සෘජු ආර්ථික සබඳතා තවදුරටත් ශක්තිමත් කිරීම මෙම උපායමාර්ගික පියවරේ ප්‍රධාන අරමුණයි.

මේ හරහා දේශසීමා අතර සිදුකෙරෙන වාණිජ කටයුතු වඩාත් විධිමත් කිරීම, තීරුබදු අඩු කිරීම සහ දෙරට අතර ආයෝජන ප්‍රවාහයන් තවදුරටත් ඉහළ නැංවීම සඳහා කටයුතු යොදනු ඇත.

තිරසාර ආර්ථික වර්ධනයක් සහ දෙපාර්ශ්වයටම අන්‍යෝන්‍ය ප්‍රතිලාභ අත්කර දීම සඳහා දෙරටේම ආර්ථික ප්‍රතිපත්ති පෙළගැස්වීමට පියවර ගැනේ. එමගින් විශේෂයෙන්ම සැපයුම් පද්ධති කළමනාකරණය, සම්පත් කළමනාකරණය සහ ජාත්‍යන්තර වෙළඳ නීති අනුකූලතාව වැනි ක්ෂේත්‍රවල නිරත වෘත්තීයවේදීන්ට පුළුල් වාණිජ අවස්ථා රැසක් උදාවන බවට ඉඟි පළ වේ.