February 1, 2026
අරාබි රටවල විදේශ අමාත්යවරුන්, අරාබි රාජ්ය සංගමයේ මහලේකම් සහ අරාබි නියෝජිතයින්ගේ ප්රධානීන් ඇතුළු දූත පිරිසක් ඉන්දියාවට පැමිණ තිබේ.
ඒ දෙවන වරටත් ඉන්දියාවේදී පැවැත්වෙන ඉන්දු -අරාබි විදේශ අමාත්යවරුන්ගේ රැස්වීම සඳහා සහභාගීවීමටයි.
ඉන්දීය අග්රාමාත්ය නරේන්ද්ර මෝදි විසින් එම අමාත්යවරුන් පිරිස නිල වශයෙන් පිළිගනු ලැබුවේය.
රැස්වීම අතරතුර, අග්රාමාත්යවරයා ඉන්දියාව සහ අරාබි ලෝකය අතර ගැඹුරු මුල් බැසගත් සහ ඓතිහාසික ජනතාව අතර සබඳතා අවධාරණය කළ බව ඉන්දීය ජනමාධ්ය වාර්තා කරයි.
එමෙන්ම අග්රාමාත්යවරයා පවසා ඇත්තේ දෙපාර්ශවය අතර පවතින මෙම දිගුකාලීන සබඳතා දෙපාර්ශ්වය අතර සබඳතා තවදුරටත් දිරිමත් කරන බව ද පැවසුවේය.
ඉදිරි වසරවලදී ඉන්දීය-අරාබි හවුල්කාරිත්වය ඉදිරියට ගෙන යාම සඳහා ඔහුගේ දැක්ම ඔහු ගෙනහැර දැක්වූ අතර අනෙකුත් ප්රමුඛතා ක්ෂේත්ර සමඟ වෙළඳාම සහ ආයෝජන, බලශක්තිය, තාක්ෂණය සහ සෞඛ්ය සේවා ඇතුළු ප්රධාන අංශවල සහයෝගීතාව පුළුල් කිරීම සඳහා ඉන්දියාවේ කැපවීම නැවත තහවුරු කළේය.
ශක්තිමත් සහයෝගීතාවය කලාප දෙකෙහිම ජනතාවට අන්යෝන්ය ප්රතිලාභ ගෙන එනු ඇතැයි විශ්වාසය පළ කළ අග්රාමාත්යවරයා පලස්තීන ජනතාවට ඉන්දියාවේ අඛණ්ඩ සහයෝගය නැවත අවධාරණය කර තිබේ.
එමෙන්ම ඔහු කලාපීය සාමය සහ ස්ථාවරත්වය ප්රවර්ධනය කිරීමේදී අරාබි රාජ්ය සංගමය විසින් ඉටු කරන ලද වැදගත් කාර්යභාරය ද අගය කළේය.
