July 25, 2026
ඉන්දියාවේ ප්රධාන පෙළේ විභාග ප්රශ්න පත්ර පිටවීමේ සිදුවීම් මුල්කරගනිමින් සති කිහිපයක් පුරා ක්රියාත්මක වූ දැවැන්ත තරුණ විරෝධතාවය අවසන් කිරීමට තීරණය කර ඇති බව ‘කොක්රෝච් ජනතා පක්ෂය’ (Cockroach Janata Party – CJP) නිවේදනය කරයි. රජය සමග සෙනසුරාදා පැවැති සාකච්ඡාවලින් අනතුරුව විරෝධතාකරුවන් මෙම තීරණයට එළඹි බව එම ව්යාපාරයේ ප්රකාශකයෙකු ජනමාධ්ය වෙත අදහස් දක්වමින් පවසා තිබේ.
මෙම තීරණාත්මක නිවේදනය නිකුත් කරනු ලැබුවේ, විරෝධතාකරුවන්ගේ ප්රධාන ඉල්ලීමක් වූ ඉන්දීය අධ්යාපන අමාත්යවරයාගේ ඉල්ලා අස්වීම සිදුවී පැය කිහිපයකට පසුව වීම විශේෂත්වයකි. විභාග අක්රමිකතා සම්බන්ධයෙන් වගකීම භාරගනිමින් අධ්යාපන අමාත්ය ධර්මේන්ද්ර ප්රධාන් සිය ධුරයෙන් ඉල්ලා අස්වීමට පියවර ගත්තේය.
ඉහළ තරගකාරීත්වයක් සහිත ප්රවේශ විභාගවල ප්රශ්න පත්ර පිටවීම, රැකියා හිඟය සහ රජයේ වගවීම පිළිබඳව මතු වූ අර්බුද හේතුවෙන් පසුගිය ජූනි මාසයේ සිට මෙම අරගලය ආරම්භ විය. නව දිල්ලියේ ජන්තර් මන්තර් කේන්ද්ර කරගනිමින් ආරම්භ වූ මෙම ‘කොක්රෝච්’ විරෝධතා ව්යාපාරය, මෑත කාලයේ ඉන්දියාවේ හටගත් දැවැන්තම වීදි විරෝධතාවය බවට පත්වෙමින් අගමැති නරේන්ද්ර මෝදිගේ රජයට දැඩි බලපෑමක් එල්ල කළේය.
විරෝධතා උග්ර වීමත් සමග පොලිසිය විසින් කඳුළු ගෑස් සහ බැටන් ප්රහාර එල්ල කළ අතර, ඉන් සිසුන් රැසකට තුවාල ද සිදුවිය. එමෙන්ම අගනුවර අන්තර්ජාල සේවා අත්හිටුවීමට සහ මෙට්රෝ දුම්රිය ස්ථාන රැසක් වසා දැමීමට ද බලධාරීන් පියවර ගෙන තිබිණි. කෙසේවෙතත්, තම ප්රධාන ඉල්ලීමක් වූ අමාත්යවරයාගේ ඉල්ලා අස්වීම සහ රජය සමග පැවති සාර්ථක සාකච්ඡාවල ප්රතිඵලයක් ලෙස තරුණ ප්රජාව සිය දැවැන්ත අරගලය මෙලෙස අවසන් කිරීමට එකඟතාවය පළකර ඇත.
