පුද්ගලයින් 12 දෙනෙකුට මරු කැඳවමින් ඉස්ලාමාබාද් නුවර පිහිටි අධිකරණ පරිශ්‍රයක් ඉදිරිපිට සිදුවූ  මරාගෙන මැරෙන බෝම්බ ප්‍රහාරය පිටුපස ඉන්දියාව සිටින බවට පකිස්තානය එල්ල කළ චෝදනාව සඳහා ඉන්දීය රජය ප්‍රතිචාර දක්වා තිබේ.

ඒ අනුව ඉන්දීය රජය පවසන්නේ පකිස්තානයේ චෝදනා තරයේ ප්‍රතික්ෂේප කරන බවයි.

එම චෝදනාව රටේ අභ්‍යන්තර කැලඹිලි වලින් අවධානය වෙනතකට යොමු කිරීම සඳහා පකිස්තාන නායකත්වයක් විසින් කරන ලද පුරෝකථනය කළ හැකි උපක්‍රමයක් ලෙස ද ඉන්දියාව පෙන්වා දී තිබේ.

පකිස්තාන නායකත්වයේ ප්‍රකාශ පිළිබඳ ජනමාධ්‍ය සිදු කළ විමසීම්වලට පිළිතුරු දෙමින් විදේශ කටයුතු අමාත්‍යාංශයේ ප්‍රකාශක රන්දීර් ජයිස්වාල් පැවසුවේ ඉන්දියාව පැහැදිලිවම මුළාවෙන් පිරුණු පකිස්තාන නායකත්වයක් විසින් කරන ලද පදනම් විරහිත චෝදනා නිසැකවම ප්‍රතික්ෂේප කරන බවයි.

මිලිටරි ආභාෂය ලත් ව්‍යවස්ථාමය කඩාකප්පල් කිරීම සහ රට තුළ දිග හැරෙන බලය අල්ලා ගැනීම පිළිබඳව තමන්ගේම මහජනතාවගේ අවධානය වෙනතකට යොමු කිරීම සඳහා පකිස්තානය ඉන්දියාවට එරෙහිව ප්‍රකාශ ගොතමින් සිටින බව ජයිස්වාල් පැවසීය.

එමෙන්ම ඔහු පෙන්වා දුන්නේ ජාත්‍යන්තර ප්‍රජාව යථාර්ථය හොඳින් දන්නා අතර පකිස්තානයේ මංමුලා සහගත ප්‍රකාශ සහ උපක්‍රමවලින් නොමඟ නොයනු ඇති බවයි.