June 20, 2025
මෙම වසරේ මුල් මාස හය තුළ නවක වධ සිදුවීම් සම්බන්ධයෙන් පැමිණිලි 30 කට අධික සංඛ්යාවක් ලැබී ඇති බව අපරාධ පරීක්ෂණ දෙපාර්තමේන්තු වාර්තා සඳහන් කරයි.
එම දෙපාර්තමේන්තුවට අනුව, පැමිණිලි 10කට අධික සංඛ්යාවක් සබරගමුව විශ්වවිද්යාලයෙන් වාර්තා වී ඇති අතර, නැගෙනහිර විශ්වවිද්යාලයෙන් සහ ඔලුවිල් විශ්වවිද්යාලයෙන් ද නවකවධ සිදුවීම් පිළිබඳව වැඩි සංඛ්යාවක් පැමිණිලි ලැබී ඇත.
මෙම සිද්ධීන් සම්බන්ධයෙන් පුළුල් පරීක්ෂණ දැනට සිදුවෙමින් පවතින බවත්, වගකිව යුතු අයට එරෙහිව දැඩි නීතිමය පියවර ගන්නා බවත් විමර්ශන නිලධාරියකු උපුටා දක්වමින් ජනමාධ්ය වාර්තා කරයි.
මෙම සිද්ධීන් සම්බන්ධයෙන් චෝදනා ලැබ සිටින සිසුන් වැරදිකරුවන් බව ඔප්පු වුවහොත්, ඔවුන්ට නීතිය යටතේ වසර 20 ක් දක්වා සිරදඬුවම් නියම විය හැකි බව එම නිලධාරියා සඳහන් කර තිබේ.
මේ අතර, සියලුම පැමිණිලි සම්බන්ධයෙන් රහස්යභාවය සුරකින අතර, 1997 යන ක්ෂණික දුරකථන අංකයට අමතා නවකවධ හිංසා සිදුවීම් වාර්තා කරන ලෙස පොලිසිය විශ්වවිද්යාල සිසුන්ගෙන් ඉල්ලා සිටී.
