ශ්‍රී ලංකාවේ ආකර්ෂණීය ආර්ථික ප්‍රගතිය පිළිබඳ අන්තර්ජාතික මූල්‍ය අරමුදලේ (IMF) කළමනාකාර අධ්‍යක්ෂිකා ක්‍රිස්ටලිනා ජෝර්ජිවා, ජනාධිපති අනුර කුමාර දිසානායකට සුබ පැතුම් පිරිනමා තිබේ.

එසේම අඛණ්ඩ ආර්ථික ප්‍රතිසංස්කරණවල වැදගත්කම ද ඇය අවධාරණය කර ඇත..

ජනාධිපති දිසානායක සමඟ ඇයගේ පළමු ඔන්ලයින් හමුවේදී, අන්තර්ජාතික මූල්‍ය අරමුදලේ ප්‍රධානියා පැවසුවේ මෙම ප්‍රතිසංස්කරණ රට තුළ ආයෝජන ආකර්ෂණය කර ගැනීමට සහ ජීවන තත්ත්වය වැඩිදියුණු කිරීමට ඉතා වැදගත් බවයි.

‘X’ (කලින් ට්විටර්) හි සටහනක ජෝර්ජිවා මෙසේ පවසා තිබිණි.

“ජනාධිපති අනුර කුමාර දිසානායක සමඟ පළමු අතථ්‍ය හමුව. ශ්‍රී ලංකාවේ ආකර්ෂණීය ජයග්‍රහණ පිළිබඳ මම ඔහුට සුබ පැතූ අතර ආයෝජන ආකර්ෂණය කර ගැනීමට සහ ජීවන තත්ත්වය ඉහළ නැංවීම සඳහා අන්තර්ජාතික මූල්‍ය අරමුදලේ විධිවිධානයෙන් සහාය දක්වන අඛණ්ඩ ප්‍රතිසංස්කරණවල වැදගත්කම සාකච්ඡා කළෙමි.”