February 2, 2024
වෛද්ය නිලධාරීන්ට ගෙවනු ලබන බාධාකිරීම් සහ ප්රවාහන (DAT) දීමනාව සෞඛ්ය කාර්ය මණ්ඩලයේ අනෙකුත් කාණ්ඩවලට හිමි නොවන දීමනාවක් වන අතර, DAT හෝ ඒ හා සමාන දීමනා ලබාගැනීමට සෞඛ්ය කාර්ය මණ්ඩලයේ අනෙකුත් කාණ්ඩ ඉදිරිපත් කරන ඉල්ලීම අතිශය අසාධාරණ බව වෛද්ය විශේෂඥයින්ගේ සංගමය ජනාධිපති රනිල් වික්රමසිංහ වෙත ලිපියක් යොමු කරමින් සඳහන් කර ඇත.
මේ වන විට DAT දීමනාව හිමි නොවන සෞඛ්ය අංශයේ වෘත්තීය සමිති සේවකයන්ට කිසිසේත්ම හිමි නොවන ඩැට් දීමනාව ලෙස අඩු මුදලක් හෝ ලබා ගැනීම සඳහා ඔවුන් ඉතා අසාධාරණ වෘත්තීය ක්රියාමාර්ගයක නිරතවන බව ද ඔවුන් අවධාරණය කර තිබේ.
එය එසේ සිදුවුවහොත්, අනෙකුත් සෞඛ්ය කාර්ය මණ්ඩලය (හෙදියන්, පරිපූරක වෛද්ය සේවකයන් යනාදී) සහ වෛද්ය විශේෂඥයන් අතර දැනටමත් පවතින පිළිගත නොහැකි පටු වැටුප් පරතරය විශේෂඥ වෛද්යවරයාගේ රැකියාවට අදාළ සුදුසුකම් සහ වගකීම් පිළිබඳ මූලධර්ම උල්ලංඝනයවන තරමට තවදුරටත් අඩුවනු ඇතැයිද එම සංගමය සඳහන් කරයි.
වෘත්තීය ක්රියාවන්හි නියැලී සිටින මෙම කාණ්ඩවලට දැනට නොපවතින අදාළ නොමැති දීමනාවක් ලැබෙන්නේ නම්, දැනටමත් පවතින පටු වැටුප් පරතරය අඩුවීම වැළැක්වීම සඳහා වෛද්යවරුන් වෙත සමානුපාතික මුදලක් ගෙවන්නේ නම් මිස, වෘත්තීය සමිති ක්රියාමාර්ගයට එළඹීම හැර වෙනත් විකල්පයක් එම සංගමයට නොමැති බව දන්වන බව වැඩිදුරටත් එම ලිපියෙහි සඳහන් කර ඇත.
