සෞදි අරාබියේ සේවය කරන ශ්‍රී ලාංකික ශ්‍රමිකයකු වන අනෝජන් සිවරාසාගේ සිරදඬුවම සහ දඩ මුදල අඩුකර ගැනීම සඳහා වන අභියාචනා නඩු විභාගය හෙට (26) පැවැත්වීමට නියමිතය.

ඔහුට පනවා තිබූ මරණ දඬුවම ඉවත් කරනු ලැබුවද, වසර පහක සිරදඬුවම සහ සෞදි රියාල් මිලියන 3ක දඩ මුදල තවදුරටත් බලාත්මකව පවතී.

හෙට පැවැත්වෙන නඩු විභාගය වෙනුවෙන් ශ්‍රී ලංකා රජය විසින් සෞදි අරාබියේ නීතිඥ සමාගමක සහාය ලබාගෙන ඇති අතර, ඒ වෙනුවෙන් මූලික ගෙවීම ලෙස රියාල් 115,000ක මුදලක් (ශ්‍රී ලංකා රුපියල් මිලියන 10ක් පමණ) ගෙවා ඇත.

අනෝජන් වෙනුවෙන් හොඳම නීතිමය නියෝජනය ලබාදීමට කටයුතු කරන බව රජය ප්‍රකාශ කර තිබේ.