බියර් බෝතලයකින් පහරදීමෙන් යාපනය ප්‍රදේශයේ 36 හැවිරිදි පුද්ගලයකු මිය ගොස් ඇති බව පොලිසිය පවසයි.

යාපනය ගුරුනගර් හි ඊයේ රාත්‍රියේ මත්පැන් පානය කරමින් සිටි පුද්ගලයන් දෙදෙනෙකු අතර ඇති වූ බහින්බස්වීමක් දුරදිග යෑමෙන් මෙම පහරදීම සිදුව ඇත.

ආරවුල අතරතුර සැකකරු බියර් බෝතලයකින් වින්දිතයාට පහර දී ඇති බව පොලිසිය පවසයි.

තුවාල ලැබූ පුද්ගලයා යාපනය රෝහලට ඇතුළත් කර ඇති අතර එහිදී ඔහු මිය ගොස් ඇත.

සිද්ධිය සම්බන්ධයෙන් 42 හැවිරිදි සැකකරු අත්අඩංගුවට ගෙන තිබේ.

වැඩිදුර පරීක්ෂණ සිදුවෙමින් පවතී.