1958 අංක 29 දරන සත්ව පනත සංශෝධනය කිරීමට රජය සැලසුම් කරමින් සිටියි.

එහි අරමුණ වන්නේ පනතේ ‘සත්ව’ යන අර්ථ දැක්වීමට මී ගවයන් සහ එළ ගවයන්ට අමතරව ඌරන්, එළුවන් සහ බැටළුවන් ද ඇතුළත් කිරීමයි.

කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යවරයා විසින් මේ සම්බන්ධයෙන් ඉදිරිපත් කරන ලද යෝජනාව සඳහා අමාත්‍ය මණ්ඩලය 2025 දෙසැම්බර් 1 වන දින ප්‍රතිපත්තිමය අනුමැතිය ලබා දී තිබිණි.

නීති කෙටුම්පත්කරු විසින් භාෂා තුනෙන්ම සකස් කරන ලද පනත් කෙටුම්පත සඳහා නීතිපතිවරයා ද අවසරය ලබා දී ඇත.

ඒ අනුව, පනත් කෙටුම්පතට රජයේ ගැසට් පත්‍රයේ ප්‍රකාශයට පත් කර අනුමැතිය සඳහා පාර්ලිමේන්තුවට ඉදිරිපත් කිරීමට කැබිනට් අනුමැතිය ලබා දී ඇත.