October 12, 2025
එක්ස්ප්රස් පර්ල් වන්දි කොමිසම සඳහා ස්වාධීන විශේෂඥයන් නම් කර ඇති බව මෙම සතියේ ශ්රේෂ්ඨාධිකරණයට දැනුම් දී තිබිණි.
ඒ අනුව, විශ්රාමික ශ්රේෂ්ඨාධිකරණ විනිසුරු ගාමිණී අමරසේකරගේ ප්රධානත්වයෙන් යුත් කොමිසමට සමුද්ර පරිසරය, වෙරළබඩ පරිසරය, සමුද්ර ජීව විද්යාව, පාරිසරික නීතිය සහ ධීවර ක්ෂේත්රයේ විශේෂඥයන් නම් කර ඇත.
ආචාර්ය එච් බී ජයසිරි (සාගර පරිසරය), එච් එන් ආර් පෙරේරා (වෙරළබඩ පරිසරය), ආචාර්ය රේඛා මල්දෙණිය (සාගර ජීව විද්යාව), ආචාර්ය ජගත් ගුණවර්ධන (පාරිසරික නීතිය) සහ ආචාර්ය සුනිල් ජයකොඩි (ධීවර) මෙලෙස නම්කළ සාමාජිකයන් වේ.
ඊට අමතරව, රාජ්ය නොවන විශේෂඥයන් 6 දෙනෙකු ද පත්කර ඇත.
මහාචාර්ය කමල් රණතුංග, මහාචාර්ය සෙව්වන්දි ජයකොඩි, ආචාර්ය ලලිත් ඒකනායක, ආචාර්ය චතුරංගි වික්රමරත්න, ආචාර්ය යොහාන් මහගමගේ සහ ආචාර්ය අජන්තා පෙරේරා එම පිරිසයි.
ශිරාන් ගුණරත්න, අචල වෙන්ගප්පුලි සහ කේ. ප්රියන්ත ප්රනාන්දු යන විනිසුරුවරුන්ගෙන් සමන්විත විනිසුරු මඩුල්ලක් හමුවේ මෙම පෙත්සම පසුගියදා විභාගයට ගත් අවස්ථාවේදී කොමිසමට විශේෂඥයන් පත් කිරීම පිළිබඳ අධිකරණයට දැනුම් දෙන ලදී.
