පලස්තීන හිතවාදී උපවාසකරුවන්ට සහාය දැක්වීම සඳහා පැවති උද්ඝෝෂණයකදී ස්වීඩන් ජාතික ක්‍රියාකාරිනියක වන ග්‍රේටා තුන්බර්ග් ලන්ඩන් පොලිසිය ඊයේ අත්අඩංගුවට ගත් බව පලස්තීන ක්‍රියාකාරී කණ්ඩායම් සඳහන් කර තිබේ.

“පලස්තීන සිරකරුවන් සඳහා වූ විරෝධතාවයේදී ග්‍රේටා තුන්බර්ග් ත්‍රස්තවාදී පනත යටතේ අත්අඩංගුවට ගෙන තිබේ,” යනුවෙන් පලස්තීන ක්‍රියාකාරීන් නිවේදනයක් නිකුත් කරමින් කියා සිටියේය.

“තහනම් පලස්තීන ක්‍රියාකාරී කණ්ඩායමට සහාය දැක්වීම ඇතුළු චෝදනා මත රඳවාගෙන සිටින අතර පවා තුන්බර්ග් ‘මම පලස්තීන ක්‍රියාකාරී සිරකරුවන්ට සහාය දෙනවා. මම ජන සංහාරයට විරුද්ධයි’ යනුවෙන් සඳහන් පුවරුවක් අල්ලාගෙන සිටියා,” යනුවෙන් එහි තවදුරටත් සඳහන් විය.

තහනම් සංවිධානයකට සහාය දැක්වීම සඳහා අයිතමයක් ප්‍රදර්ශනය කිරීම සම්බන්ධයෙන් ත්‍රස්තවාදී පනත යටතේ කාන්තාවක් අත්අඩංගුවට ගත් බව ලන්ඩන් නගර පොලිසිය පවසා තිබේ.