රජයේ වෛද්‍ය නිලධාරීන්ගේ සංගමය (GMOA) පවසන්නේ, හිටපු ජනාධිපති රනිල් වික්‍රමසිංහ හට නැවතත් ශ්‍රී ලංකා පාර්ලිමේන්තුවට පැමිණෙන්නැයි තමන් කිසිදු අවස්ථාවක ආරාධනා නොකළ බවයි.

රූපවාහිනී විවාදයකදී අදහස් දක්වමින්, GMOA ප්‍රකාශක චමිල් විජේසිංහ පැවසුවේ, මෑතකදී හිටපු ජනාධිපතිවරයා සමඟ පැවති රැස්වීමකදී එවැනි ආරාධනයක් නොකළ බවයි.

රැස්වීම පිළිබඳව එක්සත් ජාතික පක්ෂයේ (UNP) නිල මාධ්‍ය නිවේදනය හරහා එවැනි ප්‍රකාශයක් කර ඇති බව පිළිගත් ඔහු, රැස්වීම අතරතුර මෙම විශේෂිත කාරණය සම්බන්ධයෙන් සාකච්ඡාවක් පවත්වා නොමැති බව පැහැදිලි කළේය.

චමිල් විජේසිංහ මහතා තවදුරටත් චෝදනා කළේ මෙය සමහර පාර්ශවයන් විසින් GMOA සංවිධානයට එල්ල කරන ලද ඉලක්කගත ප්‍රහාරයක් බවත්, එය දැඩි ප්‍රතිවිරෝධතාවක් ඇති කර ඇති බවත්ය.

“මෙය බරපතල ගැටළුවක්, මන්ද අප ප්‍රකාශ නොකළ දෙයක් මෙම රැස්වීමේදී ප්‍රකාශ කළ බවට වාර්තා වී තිබෙනවා. මෙය GMOA සංවිධානයට එරෙහි මඩ ව්‍යාපාරයක්. එවැනි පියවරයන් හරහා වෛද්‍යවරුන්ගේ ගැටළු විසඳිය නොහැකියි” ඔහු තවදුරටත් පැවැසීය.

ශ්‍රී ලංකාවේ වෛද්‍යවරුන් මුහුණ දෙන ගැටළු සාකච්ඡා කිරීම සඳහා GMOA නියෝජිතයන් මෙම සතියේ හිටපු ජනාධිපති රනිල් වික්‍රමසිංහ හමුවිය.

රැස්වීමෙන් පසුව, එක්සත් ජාතික පක්ෂ මාධ්‍ය නිවේදනයක් නිකුත් කරමින් කියාසිටියේ, GMOA නියෝජිතයන් තම අදහස් ප්‍රකාශ කළ බවත්, හිටපු ජනාධිපතිවරයා වැනි පළපුරුදු දේශපාලනඥයෙකු වත්මන් පාර්ලිමේන්තුවට අවශ්‍ය බව ප්‍රකාශ කළ බවත්ය.

මෙම කාරණය මහජන කැළඹීමක් ඇති කළ අතර, බොහෝ දෙනෙක් එම ප්‍රකාශය සම්බන්ධයෙන් GMOA සංවිධානයෙන් ප්‍රශ්න කළහ.

කෙසේවෙතත් පක්ෂය නිකුත් කළ නිවේදනයේ මෙසේද සඳහන් වේ.

“එම අවස්ථාවේ දී එජාප සභාපති වජිර අබේවර්ධන මහතා ප්‍රකාශ කළේ” අපි රට වෙනුවෙන් එතුමාගෙන් වැඩගමු” යැයි වෛද්‍ය නිලධාරීන් අමතා පැවසීය.”