ජනාධිපති අනුර කුමාර දිසානායකට විදේශයන්හි ද රසික පිරිසක් සිටින බව පෙනීගොස් ඇතැයි ඉන්දීය කොමියුනිස්ට් පක්ෂයේ (මාක්ස්වාදී) දැඩි ආධාරකරුවකු විසින් ප්‍රකාශකර ඇත.

කර්මාන්ත හා ව්‍යවසායකත්ව සංවර්ධන අමාත්‍යාංශයේ ආයතන ප්‍රධානීන් සමඟ ජනාධිපතිවරයා පැවැත්වූ රැස්වීමක් පිළිබඳ ඔහුගේ නිල X ගිණුමේ සටහනකට ප්‍රතිචාර වශයෙන්, ජනාධිපතිවරයාව සහෝදර ජනාධිපති ලෙස ආමන්ත්‍රණය කරමින් A.V. සමික්කන්නු නම් පුද්ගලයා පැවසුවේ, “ඔබ සහ ඔබ නායකත්වය දෙන රජය අනෙකුත් සියලුම දකුණු ආසියානු රටවල සියලුම වාමාංශික සහ ප්‍රගතිශීලී බලවේග සඳහා ආශ්වාදයක් ලබා දෙන මූලාශ්‍රයක් බවට පත්වීම සඳහා ඔබේ පක්ෂයේ අවංක උත්සාහයන් සාර්ථක කර ගැනීම ගැන තමන් දැඩි උනන්දුවක් දක්වන බවයි.

සමහර විට දකුණු ආසියානු වමේ පුනරුදයක් ඇති වෙමින් පවතිනවා විය හැකි බව ඔහුගේ අදහසයි.

ඉන්දියාවේ සහ වෙනත් රටවල බොහෝ වාමාංශික නියෝජිතයන් මැයි දිනයේදී ජාතික ජන බලවේග වේදිකාවේ දැකිය හැකි විය.

දිසානායක රජය ඊළඟ ණය සඳහා IMF සමඟ සාකච්ඡා කිරීම සහ වොෂින්ටනයේ එක්සත් ජනපද ජනාධිපති ඩොනල්ඩ් ට්‍රම්ප්ගේ රජය සමඟ තීරුබදු සාකච්ඡා කිරීම වමට සංඥා කර දකුණට හැරීමේ අවස්ථාවක් ලෙස පෙනන බව ඇතැමුන්ගේ අදහසය.