ගොඩගේ ප්‍රකාශන ආයතනයෙහි නිර්මාතෘ දේශබන්දු සිරිසුමන ගොඩගේ අභාවප්‍රාප්ත වී ඇත.

මියයන දේශබන්දු සිරිසුමන ගොඩගේ 90 වැනි වියේ පසුවිය.

සහෝදර සහෝදරියන් නව දෙනකුගෙන් යුත් පවුලක හයවැනියා ලෙස1936 මැයි මාසයේ දී දකුණු පළාතේ මාතර දිස්ත්‍රික්කයේ පාලටුව ගම්මානයේදී ඔහු උපත ලැබීය.

ද්විතීයික පාසලක් වූ පාලටුවේ ගුණරතන මහා විදුහලෙන් සිරිසුමන ගොඩගේ තම අධ්‍යාපනය සම්පූර්ණ කළේය.

කාලයක් ගත වෙද්දී ඔහු පොත් බඳින්නකු ලෙස සේවය කළ ඔහුට රැකියාව හදිසියේ අහිමි විය.

ඉන්පසු 1957 දී තවත් අයකු සමඟ ගොඩගේ තරුණයා හවුල් ව්‍යාපාරයක් ඇරඹූ අතර, කුඩා කඩයක් කුලියට ගෙන ව්‍යාපාරය කරගෙන ගියේය.

ව්‍යාපාරය අසල පිහිටි මාලිගාකන්ද විද්‍යෝදය පිරිවෙනට ගොස් පොත්පත් ගෙනැවිත් බැඳීමට පටන් ගත්තා. ටිකෙන් ටික එම ව්‍යාපාරය සාර්ථක වීමත් සමඟ මාළිගාකන්ද නායක හාමුදුරුවන්ගේ සහ බලන්ගොඩ ආනන්ද මෛත්‍රෙය හිමියන්ගේ ආශ්‍රය නිසා ගොඩගේ තරුණයා බුදුදහම වෙත සමීප විය.

ව්‍යාපාරය සාර්ථක වීමත් සමඟ තවත් තිදෙනෙක් සේවයට බඳවා ගත් ඔහු ඒ වන විට පොත් බැඳීමටත්, පොත් විකිණීමටත්, පුස්තකාලවලටත් පොත් සැපයීමත් සිදුකළ අතර, 1970 වර්ෂයේ දී ගොඩගේ මහතා මරදානට පැමිණියේය.‍‍‍‍‍‍

එදාමෙදා තුර ගොඩගේ පොත් මැඳුර එම ස්ථානයේ පවතින අතර, පොත් ඉල්ලුම වැඩිවීම හේතුවෙන් ගොඩගේ මහතා පොත් ප්‍රකාශනය ආරම්භ කළේය.

ඔහු මුලින්ම මුද්‍රණය කර ඇත්තේ ළමා පොතකි. පසුව ඔහු විවිධ ලේඛකයින්ගේ අත් පිටපත් ලබාගෙන පොත් මුද්‍රණය ඇරඹූ අතර , මේ වන විට එම සමාගම විශාල පොත් ප්‍රමාණයක් මුද්‍රණය කර තිබේ.

ලංකාවේ ප්‍රසිද්ධ පොත් මුද්‍රණකරුවන් අතර සිරිසුමන ගොඩගේ ඉදිරියෙන් සිටී.

රාජ්‍ය සම්මාන ඉතිහාසයේ විශේෂ වාර්තාවක් පිහිටුවීමට ගොඩගේ ආයතනයට මේ වන විට හැකි වී ඇති අතර, ප්‍රකාශන ආයතනයක් ලෙස අවුරුදු 38 තිස්සේ අඛණ්ඩව ම ඔවුන් මෙම සම්මාන දිනාගෙන තිබේ.

2022 වර්ෂයේ පැවති රාජ්‍ය සම්මාන පිරිනැමීමේ උත්සවයේ දී ගොඩගේ ආයතනය සම්මාන පහකින් පිදුම් ලැබූ අතර, ලංකාව තුළ භාෂා තුනෙන් ම කෘති ප්‍රකාශයට පත්කරන ආයතනයක් ලෙස ගොඩගේ පොත් මැදුර ඉදිරියෙන් සිටී.

එමෙන් ම දෙමළ සහ ඉංග්‍රීසි බසින් මුද්‍රිත කෘති සඳහා ද එම ආයතනය රාජ්‍ය සම්මාන ලබා තිබේ.

(උපුටාගැනීම – දිනමිණ)