ශ්‍රී ලංකා ක්‍රිකට් ආයතනයේ ආරංචි මාර්ගවලට අනුව, තුවාල ලැබූ ග්ලෙන් පිලිප්ස් වෙනුවට දසුන් ශානක IPL 2025 තරග වාරයේ ඉතිරි කාලය සඳහා ගුජරාට් ටයිටන්ස් කණ්ඩායමට එක්වීමට නියමිතය.

ගුජරාට් ටයිටන්ස් කණ්ඩායමේ සාමාජිකයකු වූ පිලිප්ස් ආබාධයකට ලක්ව ඇති අතර, එමනිසා ඔහුව දැනට පැවැත්වෙන තරඟාවලියෙන් ඉවත් කර ඇත.

මේ අනුව, තම කණ්ඩායම ශක්තිමත් කිරීම සඳහා ප්‍රවේගකාරී තරග සඳහා පළපුරුදු ශ්‍රී ලංකා තුන් ඉරියව් ක්‍රීඩකයා වෙත අවධානය යොමු වී තිබේ.

මීට පෙරද IPL තරඟාවලියට සහභාගීවී අත්දැකීම් සහිත ශානක ඉක්මණින් ඉන්දියාවට ගොස් අවශ්‍ය අවසරයන් ලබාගැනීමෙන් පසු කණ්ඩායමට එක්වනු ඇතැයි අපේක්ෂා කෙරේ.

මේ සම්බන්ධයෙන් IPL වෙතින් නිල නිවේදනයක් ඉක්මණින් අපේක්ෂා කෙරේ.