2026 IPL තරගාවලියට පෙර ශ්‍රී ලංකා වේග පන්දු යවන ක්‍රීඩක මතීෂ පතිරණ චෙන්නායි සුපර් කිංග්ස් කණ්ඩායමෙන් නිදහස් කිරීමට තීරණය කර ඇති බව ESPNcricinfo වෙබ් අඩවිය වාර්තා කරයි.

චෙන්නායි සුපර් කිංග්ස් කණ්ඩායම විසින් 2023 IPL තරගාවලියට පෙර ඔහුව මිලදී ගෙන 2025 මහා වෙන්දේසියට පෙර ඉන්දීය රුපියල් කෝටි 13කට ඔහු රඳවාගෙන තිබිණි.

IPL තරගාවලිය සඳහා ක්‍රීඩකයන් රඳවා ගැනීමේ අවස්ථාව ඊයේ පස්වරු 3ට අවසන් වීමට පෙර චෙන්නායි සුපර් කිංග්ස් කණ්ඩායම මෙම තීරණයට එළඹ තිබේ.

IPL 2023 තරගාවලියේදී පතිරණ 140kmphකට වැඩි වේගයකින් පන්දු යැවීමේ නිරත වූ අතර චෙන්නායි සුපර් කිංග්ස් කණ්ඩායම ශූරතාව දිනූ වාරයේදී කඩුලු 19ක් දවා ගත්තේය.

නමුත් ඔහු අබාධවලට ලක්වීම ඔහුගේ ප්‍රගතියට නැවත නැවතත් බාධා කර ඇති බව MS දෝනි අනතුරු අඟවා තිබිණි.

කලවාවල ගැටලුවක් නිසා IPL 2024 තරගවාරයේ ඔහු ක්‍රීඩා කිරීම සීමා වූ අතර ජොබර්ග් සුපර් කිංග්ස් සමඟ SA20 තරගාවලියේ ගතකළ කාලය ද කෙටි විය.

ඔහුගේ 2025 තරග වාරයේ තරඟ 12කදී කඩුලු 13ක් ආපසු ලබා ගෙන තිබුණේ ඕවරයකට ලකුණු 10.13ක සාමාන්‍යයක් සමගිනි.

ශ්‍රී ලංකා ක්‍රිකට් ආයතනය විසින් පතිරණ නිදහස් කිරීම ඔස්සේ කරන ලද වෙනස්කම් ඔහුගේ තරග රටාවේ බලපෑම අඩු වීමට හේතු වන්නට ඇති බවට ප්‍රධාන පුහුණුකරු ස්ටීවන් ෆ්ලෙමින් ඉඟි කර තිබිණි.

දෙසැම්බර් 16 වැනිදා අබුඩාබියේ පැවැත්වෙන වෙන්දේසියේදී ඔහුව නැවත මිලදී ගැනීම පිළිබඳ චෙන්නායි සුපර් කිංග්ස් කණ්ඩායම සළකා බලනු ඇතැයි අපේක්ෂා කෙරේ.

නවසීලන්ත ක්‍රීඩකයන් වන ඩෙවොන් කොන්වේ සහ රචින් රවීන්ද්‍ර ඇතුළු ක්‍රීඩකයන් කිහිප දෙනෙකු නිදහස් කිරීමෙන් සහ සංජු සැම්සන් වෙනුවට රවීන්ද්‍ර ජඩේජා සහ සෑම් කරන් රාජස්ථාන් රෝයල්ස් වෙත හුවමාරු කිරීමෙන් පසු, IPL කණ්ඩායම් සැළකිව යුතු මුදල් පසුම්බියක් සමඟ වෙන්දේසියට පිවිසෙනු ඇත.