දූෂණ චෝදනා එල්ල වී සිටින හිටපු නියෝජ්‍ය අමාත්‍ය සරණ ගුණවර්ධනට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් ගොනු කර ඇති නඩු හතරක තීන්දු ප්‍රකාශයට පත් කිරීම කොළඹ මහාධිකරණය විසින් කල් දමා ඇත.

අද (30) ලබා දීමට නියමිතව තිබූ තීන්දු කොළඹ මහාධිකරණ විනිසුරු මොහොමඩ් මිහයිල් විසින් 2026 මැයි 26 වැනිදාට කල් දමා තිබේ.

2006 දී ජාතික ලොතරැයි මණ්ඩලයේ සභාපතිවරයා ලෙස කටයුතු කරමින් සිටියදී ගුණවර්ධන රජයට මූල්‍යමය පාඩු සිදු කළ බවට චෝදනා කරමින් අල්ලස් කොමිසම විසින් මෙම නඩු ගොනු කර තිබිණි.

සිය ධුර කාලය තුළ ආයතනය සඳහා බදු පදනම මත වාහන කුලියට ගැනීම සම්බන්ධයෙන් ඔහුට චෝදනා එල්ල වී තිබේ.