May 13, 2026
ඉන්දියාවේ කොංග්රස් පක්ෂයේ නායිකා සෝනියා ගාන්ධි ගුරුග්රාම් හි මෙදන්තා රෝහලට ඇතුළත් කර ඇති බව ඉන්දීය පුවත් සේවා වාර්තා කර තිබේ.
රාජ්ය සභා පාර්ලිමේන්තු මන්ත්රීවරියක වන ඇය ජනවාරි මාසයෙන් පසු සෞඛ්ය හේතූන් මත රෝහල්ගත කළ තෙවන අවස්ථාව මෙයයි.
මීට පෙර මාර්තු මාසයේදී ඇය ගංගා රාම් රෝහලට ඇතුළත් කර තිබූ අතර, එහිදී ඇයට ශරීරය පුරා පැතිරුණු ආසාදනයක් සඳහා ප්රතිජීවක ප්රතිකාර ලබා දෙන ලදී.
දිල්ලියේ පවතින දැඩි සීතල සහ ඉහළ වායු දූෂණ මට්ටම හේතුවෙන් ඇති වූ ශ්වසන අපහසුතා හේතුවෙන් ඇය ජනවාරි මාසයේදී ද රෝහල්ගත කෙරුණි.
එම අවස්ථාවේදී ඇගේ සෞඛ්ය තත්ත්වය තරමක් උත්සන්න වී තිබූ බව ද වාර්තා විය.
දැනට රාජස්ථාන් ප්රාන්තය වෙනුවෙන් රාජ්ය සභා මන්ත්රීවරියක ලෙස කටයුතු කරන සෝනියා ගාන්ධි, පසුගිය වසරේ දෙසැම්බර් මාසයේදී 79 වැනි වියට පා තැබුවාය.
2025 ජූනි මාසයේදී ද සෝනියා ගාන්ධි බඩවැල් ආශ්රිත රෝගාබාධයක් සඳහා සර් ගංගා රාම් රෝහලෙන් ප්රතිකාර ලබා ගත්තාය.
කොංග්රස් පක්ෂයේ හිටපු සභාපතිනිය වූ ඇය ජූනි 9 වැනිදා එම රෝහලේදීම වෛද්ය පරීක්ෂණයකට භාජනය වූවාය.
එම වෛද්ය පරීක්ෂණයට දින දෙකකට පෙර, ඇයට ඇති වූ අධි රුධිර පීඩන තත්වයෙන් පසු ෂිම්ලා හි ඉන්දිරා ගාන්ධි වෛද්ය විද්යාලයේදී පරීක්ෂණ කිහිපයකට ද මුහුණ දුන්නාය.
