March 29, 2026
සීදුව විජය කුමාරතුංග අනුස්මරණ රෝහලේ වත්මන් තත්ත්වය සහ අනාගත සැලසුම් සමාලෝචනය කිරීම සඳහා හිටපු ජනාධිපතිනි චන්ද්රිකා බණ්ඩාරනායක කුමාරතුංග සහ සෞඛ්ය අමාත්ය නලින්ද ජයතිස්ස විශේෂ සාකච්ඡාවක් පවත්වා ඇත.
සෞඛ්ය හා ජනමාධ්ය අමාත්යාංශයේ පැවති මෙම සාකච්ඡාවේදී රෝහල විසින් සපයනු ලබන සේවාවන්, විශේෂයෙන් අක්ෂි සත්කාර ප්රතිකාර සහ ශල්ය සේවා ශක්තිමත් කිරීම කෙරෙහි අවධානය යොමුකර තිබේ.
බාහිර රෝගී අංශය, දන්ත වෛද්ය ඒකකය සහ රසායනාගාර සේවා ඇතුළු ප්රධාන ඒකක කිහිපයක ක්රියාකාරිත්වය මෙහිදී සමාලෝචනය කර ඇති අතර, රෝහලේ පරිපාලන හා මූල්ය කටයුතු කෙරෙහි ද අවධානය යොමුකර ඇත.
සෞඛ්ය අමාත්යාංශයේ ලේකම් වෛද්ය අනිල් ජාසිංහ, අතිරේක ලේකම්වරුන් වන ජනක කිත්සිරි ගුණවර්ධන සහ චාමික ගමගේ, නියෝජ්ය අධ්යක්ෂ ජනරාල් වෛද්ය අර්ජුන තිලකරත්න සහ සමිද්ධි සමරකෝන්, ප්රධාන මූල්ය නිලධාරී ජී.එස්. කරුණාරත්න සහ රෝහල් අධ්යක්ෂ වෛද්ය ගයාන් රණවීර යන අය මෙම රැස්වීමට සහභාගීවී තිබේ.
සීදුව විජය කුමාරතුංග අනුස්මරණ රෝහල තවදුරටත් සංවර්ධනය කිරීමට සහ අවට ප්රජාවන් සඳහා සෞඛ්ය සේවා වැඩිදියුණු කිරීමට ගන්නා උත්සාහයන්හි කොටසක් ලෙස මෙම සාකච්ඡාව පවත්වා ඇත.
