February 18, 2026
මැගසින් බන්ධනාගාරයේ රඳවා සිටින හිටපු ජනාධිපති ලේකම් සමන් ඒකනායකගේ සුවදුක් විමසීමට හිටපු ජනාධිපතිනි චන්ද්රිකා බණ්ඩාරනායක කුමාරතුංග ගොස් ඇත.
නිවේදනයක් නිකුත් කරමින් චන්ද්රිකා කුමාරතුංග පවසන්නේ, තමන් සාමාන්යයෙන් බන්ධනාගාරවලට නොයන නමුත් සමන් ඒකනායක “හොඳ පුද්ගලයෙක් සහ දක්ෂ පරිපාලකයෙක්” බවයි.
“රට පාලනය කිරීමට අපට දක්ෂ පරිපාලන සේවාවක් අවශ්යයි,” ඇය පවසයි.
කිසියම් පක්ෂයක් සමඟ දේශපාලනිකව නොගැලපෙන පරිපාලන නිලධාරීන් ඉලක්ක කර ගැනීම ජේ.ආර්. ජයවර්ධනගේ පාලනය සමයේදී ආරම්භ වූ බවත්, වත්මන් පරිපාලනයද එම ක්රියාවලිය දිගටම කරගෙන යන බවත් චන්ද්රිකා කුමාරතුංග චෝදනා කරයි.
සමන් ඒකනායක වැනි පළපුරුදු පරිපාලකයන් රටට අවශ්ය බව පවසන ඇය, රාජ්ය පරිපාලන සේවයට ඇතුළුවීමට සැලකිය යුතු කුසලතාවක් සහ අත්දැකීම් අවශ්ය බව සඳහන් කරයි.
එමනිසා මෙම තත්ත්වය සම්බන්ධයෙන් තම අප්රසාදය පළකිරීමට බන්ධනාගාරයට ගිය බව හිටපු ජනාධිපතිනිය පවසයි.
“මම ඔහු සමඟ සමීපව වැඩ කර තිබෙනවා. ඔහු ඉතා හොඳ පුද්ගලයෙක්,” ඇය තවදුරටත් සඳහන් කරයි.
